Pataakha Kaarkhaane Mein Aag Se Pandrah Majadooron Ki Maut

Breaking »

Pataakha Kaarkhaane Mein Aag Se Pandrah Majadooron Ki Maut

Ujjain: madhya pradesh ke ujjain jile ke badnagar kasbe mein aaj pataakha nirmaan karne vaale ek kaarkhaane mein lagi aag ki vajah se vahaan kaam kar rahi aath mahilaaon aur teen bachchon sahit pandrah logon ki maut ho gayi. atirikt police adheekshak pankaj shreevaastav ne yeh jaankaari dete hue bataaya ki yeh pataakha kaarkhaana badnagar kasbe ke khob darvaaja ilaake mein sthit hai aur aaj shaam paune paanch aur paanch baje ke daramyiaan vahaan aag lag gayi. Ismein aath mahilaaen, teen bachche aur chaar purush jalakar maare gaye hain. Yeh sankhya badhne ki bhi aashanka bani hui hai. Aag lagne ka kaaran abhi gyaat naheen hai. unhonne kaha ki yeh kaarkhaana kisi Yusuf husain naamak vyakti ka hai aur durghatana ke baad police ne use hiraasat mein le liya hai. Agnishaman daston ne aag par lagbhag ek ghante ki mashakkat ke baad kaaboo paaya, lekin pataakha banaane vaale kaarkhaane mein aag ki soochana se samooche ilaake mein dahashat fail gayi. shreevaastav ne kaha ki teen se chaar log is aag mein gambhir roop se jal gaye hain aur unhein aspataal mein bharti karaaya gaya hai.

Pataakha Kaarkhaane Mein Aag Se Pandrah Majadooron Ki Maut http://www.angrejinews.com/pic/49466