Pashchim Bengal Mein Gundaagiri, Raajaneetik Jhadpon Se Dahal Gaya Hai Raajya Raajyapaal

India »

Pashchim Bengal Mein Gundaagiri, Raajaneetik Jhadpon Se Dahal Gaya Hai Raajya  Raajyapaal

Kolkata: Pashchim Bengal ke raajyapaal MK Narayan ne kaha ki raajya mein gundaagiri ho rahi hai aur Trinamool Congress-vaam morcha ke beech jhadpon se pradesh dahal gaya hai. Aise haalaat mein police ko nishpaksh hokar kaam karna chaahiye. Raajyapaal ne ek kaaryakram mein kaha, iska raajaneetik sanskruti se koi lena-dena naheen hai. Mujhe lagta hai ki yahaan kisi tarah ki gundaagiri ho rahi hai. Unhonne ek savaal ke javaab mein kaha, pichhla do din bahut pareshaani bhara raha hai. Is tarah ki hinsa naheen honi chaahiye thi. . . Yeh sveekaarya naheen hai. Raajyapaal ne kaha, aur jo koi bhi jimmedaar hoga, uske khilaaf kaarravaai hogi aur jahaan tak is baat ka savaal hai, police ko nishpaksh hokar kaam karna hoga. Narayanan ne kaha, doshi ke khilaaf spasht saboot hain. Gaurtalab hai ki mangalvaar ko dakshin 24 paragana ke bamanaghata mein maakapa aur Trinamool kaaryakartaaon ke beech jhadap hui thi. Vahaan isse pehle maakapa ke poorv mantri abdur Razzak par Trinamool Congress ke kaaryakartaaon ne kathit taur par hamla kiya tha. Pashchim Bengal pradesh BJP ne Budhvaar ko raajyapaal se mulaakaat kar dakshin 24 paragana jile ke bhangor mein sena tainaat karne ki maang ki. BJP ne raajyapaal ko saunpe gaye ek gyaapan mein kaha hai ki Trinamool Congress ke tahat police nishpaksh hokar kaam naheen kar sakti. Ham aapse is vishay par vichaar karne ka anurodh karte hain, taaki Trinamool neta araabul islaam aur maakapa neta Razzak mulla ke khilaaf hinsa bhadkaane ka maamala darj kiya ja sake. BJP ne raajyapaal se meer ameenul islaam ke aatmadaah ki CBI jaanch shuroo karaane ke liye raajya sarkaar ko sahamat karne ka bhi anurodh kiya. Ameenul ek balaatkaar peedit ki shikaayat darj karaane use lekar police thaana gaye the, jahaan policekarmiyon ne unhein kathit taur par prataadit kiya tha.

Pashchim Bengal Mein Gundaagiri, Raajaneetik Jhadpon Se Dahal Gaya Hai Raajya Raajyapaal http://www.angrejinews.com/pic/325