Party Chaahe To Gujarat Ka Mukhyamantri Banane Ko Taiyaar Nitin Patel

Breaking »

Party Chaahe To Gujarat Ka Mukhyamantri Banane Ko Taiyaar  Nitin Patel

File photo File photo Ahmedabad: Loksabha chunaav ke kareeb ek saptaah mein samaapt hone aur chunaavi bhavishyavaani mein Narendra Modi ke pradhaanamantri banane ki sambhaavana vyakt kiye jaane ke beech Gujarat ke mukhyamantri pad ke liye kavaayad shuroo ho gayi hai aur raajya ke varishth mantri nitin Patel ne kaha hai ki agar party mauka deti hai to vah is daayitv ko uthaane ko taiyaar hain. Gujarat mein mukhyamantri pad ki daud mein pehle hi varishth mantri aanandi Patel, uttar pradesh bhaajapa ke prabhaari amit shaah aur ek anya mantri saurabh Patel ke alaava party ke neta purushottam Patel ke naam ki charcha hai. Patel ne kaha, 'Agar party mujhe yeh daayitv saunpati hai to main iske liye taiyaar hoon. ' unhonne kaha, 'Agar aap kisi bhi vidhaayak se yeh poochheinge ki aap mukhyamantri banane ko taiyaar hain to vah iska sakaaraatmak javaab dega. Agar aap viraat Kohli se poochheinge ki kya aap Bhaarat ka kaptaan banana chaaheinge, to nishchit taur par vah isse inkaar naheen kareinge. ' Modi sarkaar ke mantrimandal mein vitt mantri Patel ne haalaanki jor dekar kaha ki party jo bhi nirnaya karegi, use vah evam anya sabhi sveekaar kareinge aur anushaasan ko naheen toda jaaega. Modi 2001 se Gujarat ke mukhyamantri hai aur sabhi chunaav vishleshanon mein unka naam pradhaanamantri pad ki daud mein sabse aage bataaya ja raha hai. In ghatnaakramon ke beech Gujarat ke mukhyamantri pad par charcha ne jor pakad liya hai.

Party Chaahe To Gujarat Ka Mukhyamantri Banane Ko Taiyaar Nitin Patel http://www.angrejinews.com/pic/49641