Pakistani Mahila Cricket Team Ka Orissa Mein Jordaar Svaagat

Cricket »

Pakistani Mahila Cricket Team Ka Orissa Mein Jordaar Svaagat

Bhuvaneshvar: Pakistan ki mahila cricket team ke Cuttack pahunchane par jordaar svaagat kiya gaya hai. Pakistan ki 23 sadasyeeya team ravivaar der raat Cuttack pahunchi, jahaan ICC mahila world cup ka match 31 January ko hona hai. Baaraabati stadium mein kaafi badi sankhya mein har umr ke cricket premi pahunche aur team ka phoolmaala pahanaakar svaagat kiya. Team ko Orissa cricket association ke club house mein thaharaaya gaya hai, jiski kadi suraksha bandobast kiye gaye hain. Pakistan mahila cricket team ke match Mumbai mein hone the, lekin shivsainikon ke virodh ke baad match ka sthaan badla gaya. Sangh parivaar aur sthaaneeya paartiyon ke Pakistani khilaadiyon ko Orissa ki sarjameen par aane se rokane ki dhamakiyon ke chalte Biju patanaayak havaaiadde aur nikat ke kshetron ko surakshaakarmiyon ko tainaat kar kile mein tabdeel kar diya gaya tha. Police ne kaha ki kareeb 600 surakshaakarmi, jismein vishesh suraksha battalion ke javaan aur Orissa police bhi shaamil the, avaanchhaneeya ghatna ko rokane ke liye tainaat the.

Pakistani Mahila Cricket Team Ka Orissa Mein Jordaar Svaagat http://www.angrejinews.com/pic/378