Pakistan Se Lagti Seema Par Suraksha Hogi Pukhta, Khaas Saitalaait Launch Karega ISRO

Breaking »

Pakistan Se Lagti Seema Par Suraksha Hogi Pukhta, Khaas Saitalaait Launch Karega ISRO

Nai Delhi Us desh ki sarhad ko koi chhoo naheen sakta, jis mulk ki sarhad ki nighabaan hain aankhein. Ji haan, seemaaon ki suraksha kisi bhi desh ki sarvochch praathamiktaaon mein se ek hoti hai. Bhaarat ke liye seemaaon ki suraksha ki chunauti aur bhi badh jaati hai kyonki hamaare padosi deshon se aksar ghuspaith aur aatanki hamlon ki koshishein hoti rahati hain. Ise rokane ke liye bhaarateeya suraksha balon ko din-raat borders par najarein gadaae rakhani padti hain. Ismein jaanmaal ka nuksaan bhi hota hai. Haalaanki jald hi border ko aur chaak-chauband karne ke liye antariksh mein maujood saitalaait desh ki 'Aankh' baneingi. Isse seema par kisi bhi harkat par najar rakhi ja sakegi. Guruvaar ko ek sarkaari bayaan mein bataaya gaya ki bhaarateeya antariksh anusandhaan sangathan (ISRO) Pakistan aur Bangladesh samet anya deshon se lagne waali seemaaon ko aur pukhta karne mein gruh mantraalaya ki madad ke liye ek khaas saitalaait launch karega. Daraasal, yeh kadam seema prabandhan ko sudhaarane mein space teknaulaji ke istemaal ko lekar ek taask fors dvaara diye gaye sujhaavon mein se ek hai. Gruh mantri Rajnath Singh ne ise sveekaar kar liya hai aur is praujekt ko samayaseema- laghu, madhyam aur deerghakaalik yojana ke tahat isaro aur raksha mantraalaya ke saath milkar 5 varshon mein laagoo karne ka prastaav hai. Gruh mantraalaya ke bayaan ke mutaabik, 'Is report mein pramukh sujhaav seema ki suraksha mein tainaat forces ki kshamata badhaane ko lekar hai, jismein sikyauriti, operational planning aur border infraastrakchar divelapameint ke liye space risorsej ka istemaal karne ko kaha gaya hai. ' bataaya gaya hai ki alpaavadhi mein seema suraksha mein tainaat balon ke kamyunikeshans ke liye jald hi uchch kshamata ke upakaran khareede jaaenge. Mid-tarm mein, MHA ke vishesh istemaal ke liye ISRO dvaara ek saitalaait launch ki jaaegi. Vaheen, deerghakaalik yojana ke tahat MHA infraastrakchar divelap karega jisse agencyon ko saitalaait ki jaankaari share ki ja sake. Bayaan ke mutaabik saitalaait se mili tasveeron aadi ko ek jagah store aur use agencyon mein share karne ke liye ek keindreeya abhilekheeya fasilti banaai jaaegi. Gruh mantraalaya ne kaha hai, 'Sudoor ilaakon mein tainaat kiye gaye keindreeya sashastr police balon se bhi saitalaait ki jaankaari saajha ki jaaegi. Indian reejanal nevigeshan saitalaait system besd GPS se oonchaai, sudoor aur jatil borders aur naksal prabhaavit ilaakon ki jaankaari milegi. ' aapko bata dein ki seema suraksha bal (BSF) ko jameeni infraastrakchar, fasilti aadi taiyaar karne ke liye leed agency banaaya gaya hai. Gaurtalab hai ki Bhaarat ki seemaaen Pakistan, cheen, Bangladesh, Nepal, bhootaan aur myaanmaar se lagti hain. MHA ke mutaabik is praujekt se dveepeeya aur seema suraksha majaboot hogi. Taask fors ka gathan seema prabandhan ko sudhaarane mein space teknaulaji ke istemaal ke kshetron ki pehchaan karne ke liye kiya gaya tha. Ismein BSF, space dipaartameint, gruh mantraalaya, isaro, NSCS samet kai vibhaagon ke afsar shaamil the.

Pakistan Se Lagti Seema Par Suraksha Hogi Pukhta, Khaas Saitalaait Launch Karega ISRO http://www.angrejinews.com/pic/248483