Pakistan Mein Hindu Bachchi Se Dushkarm Maamale Mein Hogi DNA Jaanch

World »

Pakistan Mein Hindu Bachchi Se Dushkarm Maamale Mein Hogi DNA Jaanch

Islamabad: Pakistan mein sansadeeya samiti ne paanch saal ki hindu ladki se dushkarm maamale ki DNA jaanch karaane ke aadesh diye hain. Dushkarm ka aarop ek muslim vyakti par hai. Samaachaar patra 'Don' mein prakaashit report ke anusaar, maanavaadhikaaron par national assembly ki sthaai samiti ne kathit dushkarm maamale mein dheemi jaanch par asantosh jataate hue sindh praant mein Mirpurkhas jile ke police upamahaanireekshak gulaam haidar ko DNA jaanch karaane ke aadesh diye. Aarop hai ki hindu bachchi ke saath sindh mein umerakot ke najadeek ek gaanv mein 2 December, 2012 ko dushkarm kiya gaya. National assembly ke sadasya navaab Yusuf talapar ne yeh maamala saamane laaya, jise maanavaadhikaaron par sadan ki sthaai samiti ke paas bhej diya gaya. Is ghatna ke baad sindh ke kai shaharon mein virodh pradarshan va rallyan huin. Vibhinn report mein aarop lagaaya gaya hai ki police kaanoon prakriya mein khaamiyon ka faayda uthaakar aaropi ko bachaane ki koshish kar rahi hai. Police upamahaanireekshak gulaam haidar ka haalaanki kehna hai ki 'Doshi ka kaboolanaama record kar liya gaya hai', lekin jaanch mein deri ho rahi hai. Iski vajah yeh hai ki raasaayanik jaanchakartaaon ki report spasht naheen hai. DNA jaanch se sabhi bhram door ho jaaenge. Samaachaar patra ke anusaar, aaropi ko giraftaar kar liya gaya hai aur vah filhaal nyaayik hiraasat mein hai.

Pakistan Mein Hindu Bachchi Se Dushkarm Maamale Mein Hogi DNA Jaanch http://www.angrejinews.com/pic/332