Pakistan Ke Khilaaf Kade Kadam Uthaae Sarkaar Sushma

India »

Pakistan Ke Khilaaf Kade Kadam Uthaae Sarkaar  Sushma

Nai Delhi: Jammu evam Kashmir mein niyantran rekha (LOC) ke najadeek bhaarateeya kshetr mein ghuspaith kar Pakistani sainikon dvaara do bhaarateeya javaanon ki nrushans hatya par kadi pratikriya vyakt karte hue bhaarateeya janta party (bhaajapa) ne guruvaar ko kaha ki kendra sarkaar ko Pakistan ke khilaaf kathor nirnaya lene chaahiye. Bhaajapa neta Sushma Swaraj ne twitter par likha ki kendra ki sanyukt pragatisheel gathabandhan (samprag) sarkaar yadi Pakistan ke khilaaf 'Kade' nirnaya leti hai ki unki party iska samarthan karegi. Sushma ne twitter par likha, "Mainne Budhvaar ko raashtreeya suraksha salaahakaar shivshankar Menon se baatcheet ki. Mainne unase pradhaanamantri ko yeh sandesh dene ke liye kaha ki LOC par jo kuchh bhi hua, vah asveekaarya hai. Lekin sarkaar ki or se ab tak koi javaab naheen mila hai. Sarkaar ko kade kadam uthaane chaahiye. Aisi sthiti mein ham sarkaar ka samarthan kareinge. " Bhaajapa neta ne haalaanki sarkaar ko kamjor karaar dete hue kaha, "Durbhaagyavash desh mein behad kamjor sarkaar hai, jo sakht kadam uthaane mein aksham hai. " Unhonne kaha, "Yeh desh ke sammaan ka maamala hai. Yeh sashastr balon ke manobal ka savaal hai. Sarkaar ko kaam karna hoga aur kade kadam uthaane honge. "

Pakistan Ke Khilaaf Kade Kadam Uthaae Sarkaar Sushma http://www.angrejinews.com/pic/316