Pak Sena Ne Aatankvaadiyon Ke Gupt Thikaanon Par Chhaapa Maara, Do Aatanki Dher

World »

Pak Sena Ne Aatankvaadiyon Ke Gupt Thikaanon Par Chhaapa Maara, Do Aatanki Dher

Peshaavar, 11 January (bhaasha) Pakistani sena ne shukravaar ko bataaya ki ashaant dakshin pashchimi baloochistaan praant mein aatankvaadiyon ke gupt thikaanon par dhaava bolakar usane hathiyaaron evam visfotakon ka ek bada jakheera baraamad kiya aur do aatankvaadiyon ko maar giraaya. sena ne bataaya ki arddhasainik bal frontier corps ne kalaat, kharaan evam mevaand ilaake mein yeh abhiyaan chalaaya tha. sena ne bataaya ki suraksha balon ne sab machine gan, IED, hathagolon, rauketon evam sanchaar upakaranon samet anya hathiyaar evam gola-baarood baraamad kiye. baloochistaan mein suraksha balon aur baloch raashtravaadi samoohon evam ugr islaami sangathanon ke beech sangharsh ki chhitput ghatnaaen hoti rahati hain. aatankvaadiyon ke prayaason ko vifal karne ke liye suraksha bal aksar khufiya soochana ke aadhaar par abhiyaan chalaate rahate hain.

Pak Sena Ne Aatankvaadiyon Ke Gupt Thikaanon Par Chhaapa Maara, Do Aatanki Dher http://www.angrejinews.com/pic/247141