'Pak Sena Chaahati Hai Ki Bhaarat Ke Saath Vaarta, Magar Anya Vikalp Bhi Khule Rahein

Breaking »

'Pak Sena Chaahati Hai Ki Bhaarat Ke Saath Vaarta, Magar Anya Vikalp Bhi Khule Rahein

Washington: ek nai pustak ke anusaar, Pakistani sena ka ek bada hissa rananeeti mein badlaav ke tahat chaahata hai ki Bhaarat ke saath vaarta ki jaae, lekin up paaramparik yuddh samet anya vikalp bhi khule rakhe jaaen. nai pustak 'Demokresi: Milriti paulitiks in Pakistan' ke lekhak akeel shaah ne likha, jaisa ki ek major general ne kaha, hamein Bhaarat ke saath vaarta ko ek mauka dena chaahiye, lekin usase nipatne ke liye up-paramparaagat yuddh samet sabhi vikalp barkaraar rakhane chaahiye. Haalaanki shaah ne yeh naheen bataaya ki unhonne kis major general ka saakshaatkaar liya. is pustak ko Harvard university ne prakaashit kiya hai. America mein saptaahaant mein jaari yeh pustak Bhaarat ke sambandh mein Pakistan ke sainya vyavahaar ka pehla vistrut evam aitihaasik adhyayan hai. ek pratishthit university ke raajaneeti vibhaag mein lekcharar shaah ne likha ki Bhaarat ke saath baatcheet ka samarthan karne ko lekar Pakistani sena ke rukh mein aaya yeh badlaav suniyojit hai taaki use apni samasyaaon ko sulajhaane ke liye samay mil sake. shaah ne likha, Pakistan mein khatre badhne aur iski aarthik kamjori ke maddenajar kai adhikaari anichha se yeh sveekaar karte hain ki Islamabad ki paaramparik bhaarateeya neeti se - yaani sanyukt raashtra ke prastaavon ke anuroop aatmanirnaya ke Kashmiri adhikaar ka bina shart samarthan karne se- shaayad vaanchhit fal naheen mil raha hai aur saavadhaani se iska fir se moolyaankan kiye jaane ki aavashyakta hai. Shaah ne likha, isliye kuchh adhikaari vaarta ko ek avsar dena chaahate hain aur khule dimaag se sabhi masalon ka saamana karne ki vakaalat karte hain. Unhonne likha, aage badhne ke sarvashreshth tareeke ko lekar asahamati ke baavajood is baat par sarvasammati hai ki Kashmir ke maamale mein raashtreeya hit ki suraksha ke liye majaboot sthiti mein aakar baatcheet karne ki aavashyakta hai aur yeh sthiti Pakistan ki aantarik samasyaaon ko sulajhaane ke baad hi haasil ki ja sakti hai.

'Pak Sena Chaahati Hai Ki Bhaarat Ke Saath Vaarta, Magar Anya Vikalp Bhi Khule Rahein http://www.angrejinews.com/pic/49722