Pak Ko Hua Yakeen, Cheen Ki Chaal Mein Vah Fansata Ja Raha Hai

Breaking »

Pak Ko Hua Yakeen, Cheen Ki Chaal Mein Vah Fansata Ja Raha Hai

Nai Delhi Pakistan ko dheere-dheere hi sahi is baat ka ehsaas hone laga hai ki usaka tathaakathit 'Sadaabahaar dost' cheen bharosemand sahayogi naheen balki vistaaravaadi soch rakhane wala ek mulk hai. Jabki cheen ne kaha hai ki uske 'Van belt van road' (OBOR) praujekt se chhote aur vikaasasheel deshon ko aarthik laabh hoga. Cheen-Pak aarthik galiyaara (CPEC) bhi OBOR ka hi ek mahatvapoorn hissa hai, jiske jariye cheen dakshin Asia, madhya Asia, Africa aur Europe se jameeni aur samudri maarg se judna chaahata hai. Lekin CPEC ko lekar ab sachchaai saamane aa rahi hai ki yeh Pakistan ki sampattiyon ko hadapne ki cheen ki ek chaal hai. Ise samajhiye. Cheen chhote deshon mein sabse pehle jameen aur sanpattiyaan haasil karta hai. Iske baad infrastructure praujekts ke liye vah oonchi daron par loan deta hai aur jab yeh desh loan ka bhugataan karne mein naakaam rahata hai to cheen praujekt par maalikaana hak jama leta hai. Padhein: Shri lanka ne hanbanatota bandargaah cheen ko saunpa Taaja udaaharan shri lanka ka hai. Kuchh dinon pehle hi vah cheeni karj ke jaal mein fans gaya, tab usane aupachaarik taur par hanbanatota bandargaah ko 99 saal ki leej par de diya. Iske saath hi shri lanka ne cheeni loan ko chukaana shuroo kar diya. Pichhle saal tatkaaleen vitt mantri ravi karunaaratne ne kaha tha ki shri lanka par cheen ka 8 arab dollar karj hai. Oonchi daron ke kaaran loan badhta chala gaya aur shri lanka ko ek mahatvapoorn sampatti ganvaani padi, jiska ek saamarik mahatva hai. Daraasal, is port ke jariye cheen ko hind mahaasaagar mein apne pair jamaane ka mauka mil gaya hai. Vipaksh ke netaaon ne is leej ko 'Port ko bechana' karaar diya. Padhein: Pakistan ne daim ke liye cheeni madad ki peshakash thukaraai Udhar, cheen ne maaladeev ke saath free-trej deal par hastaakshar kiya hai. Isse saaf hai ki cheen chhote deshon ko apna upanivesh banaane ki rananeeti par chal raha hai. Kuchh din pehle Pakistan ne demar-bhaasha daim ke liye 14 arab dollar ki cheeni madad ki peshakash ko thukara diya. Islamabad ne cheen se kaha tha ki vah 60 arab dollar ke CPEC praujekt se is daim praujekt ko baahar rakhe aur ise poori tarah Pakistan ko hi banaane de. Yeh praujekt PoK mein sthit hai jis par Bhaarat apna daava karta hai. Pakistan ke is kadam se saaf ho gaya ki use yakeen ho gaya hai ki cheen ke bhaari-bharakam loan ke saath bijnas karna jokhim bhara hai. Kai visheshagya pehle hi aagaah kar chuke hain ki Pakistan mein sthaayi taur par thikaana banaane ke liye CPEC cheen ki aupaniveshik chaal hai. Yahaan tak ki raajaneetik dalon ne bhi cheeni praujekts ke khilaaf aavaaj uthaani shuroo kar di hai. Unhonne savaal kiya hai ki kya aise praujekt Pakistan ko vaastav mein laabh pahuncha sakte hain? Netaaon aur arthashaastriyon dvaara CPEC ki aalochna ke baad cheen ab Pak sarkaar ke saath samvaad ko aage badhaane mein satark ho gaya hai aur vah chaahata hai ki Pak sena bhi aage aae. Riporton ke mutaabik CPEC ke tahat Pakistan ko jaari hone vaale fund ki dekharekh ke liye peiching ki nai gaaidalaains se Pak sena ki bhoomika badhne ki aashanka hai. Cheen apni sharton par Pak ko fund de raha hai. Teen bade road praujekts ko funding par antim sahamati 20 November ko hui jauint varking group ki baithak mein honi thi par cheen ne Pak sarkaar ko soochit kiya ki fund jaari karne ki maujooda prakriya ko khatm kar diya gaya hai. Peiching ab nai gaaidalaains jaari karega.

Pak Ko Hua Yakeen, Cheen Ki Chaal Mein Vah Fansata Ja Raha Hai http://www.angrejinews.com/pic/183563