Pak Hockey Khilaadiyon Ko Visa Mile, Shanivaar Ko Pahucheinge Bhaarat

Breaking »

Pak Hockey Khilaadiyon Ko Visa Mile, Shanivaar Ko Pahucheinge Bhaarat

Nai Delhi: Pakistani sena ki goleebaari mein do bhaarateeya sainikon ki maut se upaje tanaav ke beech hockey India league mein bhaag le rahe vahaan ke nau khilaadiyon ko Bhaarat ka visa mil gaya hai. Pakistani khilaadi shanivaar ko yahaan pahunchakar apni apni teemon se judeinge. Isse pehle 14 January se 10 February tak hone waali league mein in khilaadiyon ki bhaageedaari par anishchitta ke baadal mandaraane lage the jab inhein samay par visa naheen mil saka tha. Ise do bhaarateeya sainikon ki jaghanya hatya se upaje tanaav se jodkar dekha jaane laga. Islamabad sthit bhaarateeya uchchaayog ne haalaanki spasht kar diya tha ki khilaadiyon ke visa aavedan use vilamb se mile hain. Toba tech Singh se Islamabad pahunche Delhi waveriders ke forward mohammad rijvaan senior ne kaha, hamein aaj visa mil gaya hai aur ham jald ravaana honge. Mera pehla match 14 January ko hai aur shukr hai ki main usase pehle Delhi pahunch jaaoonga. Vilamb ke baare mein poochhane par unhonne kaha, koi aur masala naheen hai. Bas prakriya mein thodi der ho gayi. Mumbai magicians ke fareed Ahmad ne kaha, yahaan bhaarateeya uchchaayog ka kehna hai ki unhein dastaavej deri se mile jabki PHF ka kehna hai ki usane samay par dastaavej jama kar diye the. Prakriya mein deri ho gayi, lekin khushi ki baat yah hai ki ab ham is vishv stareeya league mein bhaag lene Bhaarat ja rahe hain. Unhonne kaha, ham to 8 taareekh se hi Bhaarat jaane ko taiyaar hain, lekin visa ki vajah se deri hui. Unheen ke saathi khilaadi Mumbai ke midfielder mohammad tauseek ne bataaya ki khilaadi Lahore mein ikatthe honge aur vahaan se Delhi ravaana honge. Unhonne kaha, hockey India league bahut bade paimaane par ho rahi hai aur ismein duniyaabhar ke sheersh khilaadi bhaag le rahe hain. Ham sabhi Lahore se shanivaar ko jaaenge aur apni apni teemon se judeinge.

Pak Hockey Khilaadiyon Ko Visa Mile, Shanivaar Ko Pahucheinge Bhaarat http://www.angrejinews.com/pic/286