PM Pad Ke Ummeedavaar Par Charcha Naheen Karne Ki Rajnath Ki Naseehat

Breaking »

PM Pad Ke Ummeedavaar Par Charcha Naheen Karne Ki Rajnath Ki Naseehat

Nai Delhi: Pradhaanamantri pad ke raajag ummeedavaar ke roop mein Gujarat ke mukhyamantri Narendra Modi ke naam par baar-baar hone waali charcha ko samaapt karne ki pahal karte hue bhaajapa adhyaksh Rajnath Singh ne party kaaryakartaaon ko is mudde par koi bayaan naheen dene ki naseehat di aur sahayogi jadayoo ne bhi aise hi vichaar vyakt kiya lekin bhaajapa neta CP thaakur aur shatrughn sinha iska ullanghan karte dikhe. Modi ko pradhaanamantri pad ke liye raajag ka ummeedavaar ghoshit karne ke mudde par raajag mein ekamat naheen hone se chintit bhaajapa adhyaksh Rajnath Singh ne party netaaon se 'Antim appeal' mein is mudde par koi bayaan naheen dene ko kaha. Rajnath ne kaha, 'Main vinmrataapoorvak sabhi bhaajapa kaaryakartaaon se appeal karta hoon ki unhein is vishay par koi bayaan naheen dena chaahiye ki pradhaanamantri pad ka ummeedavaar kaun hoga. ' unhonne kaha, 'Jaisa ki main pehle kah chuka hoon ki bhaajapa ki parampara rahi hai ki mukhyamantri ya pradhaanamantri pad ke ummeedavaar ke baare mein koi bhi nirnaya party ka keindreeya sansadeeya board karta hai. ' Bhaajapa adhyaksh ka bayaan aise samay mein aaya hai jab Ram Jethmalani aur yashavant sinha jaise neta Modi ko pradhaanamantri pad ke liye raajag ka ummeedavaar banaae jaane ki maang kar chuke hain. Anya neta bhi is mudde par bayaan day rahe hain jisse media mein raajag ke bheetar matabhed ki baat uth rahi hai.

PM Pad Ke Ummeedavaar Par Charcha Naheen Karne Ki Rajnath Ki Naseehat http://www.angrejinews.com/pic/1092