PM Modi Ka UPA Aur FICCI Par Vaar, Jab Kuchh Udyogapatiyon Ko Bant Rahe The Loan, Tab Kahaan The Aap

Breaking »

PM Modi Ka UPA Aur FICCI Par Vaar, Jab Kuchh Udyogapatiyon Ko Bant Rahe The Loan, Tab Kahaan The Aap

Nai Delhi Bankon ke NPA ko lekar PM Narendra Modi ne poorv ki UPA sarkaar aur audyogik sangathanon par nishaana saadha hai. Audyogik sangathan FICCI ke manch se hi udyogapatiyon aur poorv sarkaar ke gathajod par nishaana saadhate hue PM Modi ne kaha, 'Jab sarkaar mein baithe kuchh logon dvaara bankon par dabaav daal kar kuchh vishesh udyogapatiyon ko loan dilvaaya ja raha tha, tab FICCI jaisi sansthaaen kya kar rahi theen? ' FICCI ki 90veen mahaasabha ko sambodhit karte hue PM Modi ne Delhi ke vigyaan bhavan mein kaha, 'Us dauraan kuchh bade udyogapatiyon ko laakhon karod ke loan diye gaye. Baikon par dabaav daal kar paisa dilvaaya gaya. ' PM Modi ne kaha, 'Mujhe jaankaari naheen hai ki pehle ki sarkaar ki neetiyon ne jis tarah banking sector ki durdasha ki, us par FICCI ne koi sarve kiya hai ya naheen? Aajkal NPA ka jo halla mach raha hai, vo pehle ki sarkaar mein baithe arthashaastriyon ki, is sarkaar ko diya gaya sabse bada bojh hai. ' Bankon par NPA ke bojh ko lekar UPA sarkaar par ataik karte hue PM Modi ne kaha, 'Ye NPA UPA sarkaar ka sabse bada ghotaala tha. Commonwealth, tooji, koyala jaise ghotaalon se kaheen bada ghotaala tha. Jo log maun rahakar sab kuchh dekhte rahe kya unhein jagaane ki koshish kisi sanstha dvaara ki gayi. ' PM Modi ki is tippani ko paroksh roop se poorv PM Manmohan Singh par hamle ke taur par dekha ja raha hai.

PM Modi Ka UPA Aur FICCI Par Vaar, Jab Kuchh Udyogapatiyon Ko Bant Rahe The Loan, Tab Kahaan The Aap http://www.angrejinews.com/pic/183820