Orijnal Price Ka Khel Diskaaunt Ofars Se Aise Buddhoo Banaati Hain Companiyaan

Breaking »

Orijnal Price Ka Khel Diskaaunt Ofars Se Aise Buddhoo Banaati Hain Companiyaan

Nai Delhi Ham se jyaadaatar log jab kabhi kisi store ke baahar 'Sel' shabd dekhte hain to bina soche khareedaari ke liye aage badh jaate hain. Aise logon ko lagta hai ki sel ke vakt store unhein kam daam par cheejein bech raha hai, jaisa ki store bataata bhi hai. Magar kya vaastav mein har baar jab koi store kisi cheej ko kam keemat par bechne ki baat karta hai to vah sach bolata hai? Socho, kya aisa bhi ho sakta hai ki store kisi cheej ke jis 'Orijnal price' par diskaaunt de raha ho, vah vaastavik hi na ho? In savaalon ko lekar Harvard bijnas school ki maarketing unit ke asisteint prafesar daunald aingve ne ek varking pepar taiyaar kiya. Jismein kai chaunkaane waali baatein saamane aain. Daraasal prafesar aingve ameriki ki ek badi company se jude praujekt par kaam kar rahe the. Usi dauraan unhein aautalet stores par kuchh ajeeb hota dikha. Prafesar ko pata chala ki kuchh praudakts ko khaas taur par aautalet stores par bechne ke liye hi taiyaar kiya gaya tha, jo kabhi retail shelv mein dikhe hi naheen the. In praudakts par 'Asli keemat' ke saath diskaaunt ke baad waali keemat likhi hui thi. Prafesar aingve ka kehna hai ki praudakts par jo 'Asli keemat' likhi gayi thi, us keemat par unako kabhi bechne ki koshish hi naheen hui. Iske saath hi unhonne kaha ki in praudakt ko unki (bataai gayi) asli keemat par kabhi koi khareedata bhi naheen. 'Fek diskaaunts drive real revenyooj in retail' naam ke apne varking pepar mein prafesar aingve ne likha hai ki mujhe pata chala ki kisi brand ki farji keematon ke jhaanse mein ve graahak aasaani se aa jaate hain jo us brand ke baare mein kam jaante hain. Aise mein prafesar aingve logon ko salaah dete hain ki ve kisi cheej ko khareedte samay usaki keemat ko gunavatta ki kasauti par rakhakar dekhein.

Orijnal Price Ka Khel Diskaaunt Ofars Se Aise Buddhoo Banaati Hain Companiyaan http://www.angrejinews.com/pic/223307