October-December Mein Bhaarat Ki Vruddhi Dar Cheen Se Jyaada HSBC

Business »

October-December Mein Bhaarat Ki Vruddhi Dar Cheen Se Jyaada  HSBC

Nai Delhi: Duniya ke ubharate baajaaron mein aarthik vruddhi ki raftaar October se December timaahi mein behtar rahi. Is dauraan brik deshon mein Bhaarat ki vruddhi dar cheen se tej rahi. Yeh baat HSBC ke sarvekshan mein kahi gayi. Brik (Brazil, roos, Bhaarat aur cheen) arthavyavasthaaon mein vinirmaan aur seva kshetr ki sanyukt vruddhi 2012 ki chauthi timaahi mein badhi, lekin yeh abhi sankat poorv star se bahut kam hai. HSBC ubharate baajaar ka soochakaank (EMI) 2012 ki chauthi timaahi mein 52.9 par raha, jabki July se September ki avadhi mein yeh 52.2 par tha. HSBC ne kaha ki vruddhi mein yeh sudhaar mukhya taur par vinirmaan kshetr mein vistaar ke kaaran hua, haalaanki seva kshetr mein bhi pichhli timaahi mein sudhaar hua. HSBC ke mukhya arthashaastri Stefan King ne kaha, haalaanki aarthik vruddhi mein sudhaar utsaahajanak hai. Visheshataur par 2013 ke shuruaati maheenon mein is tarah ke sanket utsaah badhaane vaale hain.

October-December Mein Bhaarat Ki Vruddhi Dar Cheen Se Jyaada HSBC http://www.angrejinews.com/pic/270