Obama Ki Betiyon Ka Peechha Kiye Jaane Ke Baad White House Ko Band Kiya Gaya

Breaking »

Obama Ki Betiyon Ka Peechha Kiye Jaane Ke Baad White House Ko Band Kiya Gaya

Washington: ameriki raashtrapati Barack Obama ki betiyon ko lekar ja rahe vaahanon ke kaafile ka ek car dvaara peechha kiye jaane ke baad white house ko asthaayi roop se band kar diya gaya. khufiya seva ke mutaabik, uchch suraksha vaale ilaake ke bheetar adhikaariyon ne peechha karne waali car roki aur fir uske chaalak ko hiraasat mein le liya gaya. yeh ghatna mangalvaar shaam sthaaneeya samayaanusaar chaar bajkar lagbhag 40 minute par hui. Us samay ameriki raashtrapati white house ke bheetar videsh mantri John keri ke saath pehle se tay mulaakaat ke tahat baatcheet kar rahe the. ek ghante ke baad white house ko khol diya gaya. Peechha karne waali car ke chaalak ki pehchaan 55-varsheeya Matthew ivaan goldasteen ke taur par hui. Use baad mein giraftaar kar liya gaya aur anadhikrut tareeke se pravesh karne ke aarop us par lagaae gaye. Aage ki kaarravaai ke liye use shahar ki police ke havaale kar diya gaya hai. bataaya jaata hai ki vah aantarik raajasv seva (intaranal revenyoo services) mein kaaryarat hai aur uske paas white house ke sameep sthit trejari bilding mein jaane ke liye paas tha.

Obama Ki Betiyon Ka Peechha Kiye Jaane Ke Baad White House Ko Band Kiya Gaya http://www.angrejinews.com/pic/49801