ONGC Ki Trushna Gas Pariyojana Ko Raashtreeya Vanyajeevan Board Se Manjoori

Business »

ONGC Ki Trushna Gas Pariyojana Ko Raashtreeya Vanyajeevan Board Se Manjoori

Agartala, 12 January (bhaasha) saarvajanik kshetr ki ONGC tripura eset jald hi tripura mein trushna vanyajeev abhayaaranya se praakrutik gas nikaalna shuroo karegi. Company ko iske liye raashtreeya vanyajeevan board se manjoori mil gayi hai. yeh praakrutik gas kshetr gomati jile ke beloniya upamandal mein padta hai. company ke parisanpatti prabandhak Gautam Kumar Singh Roy ne yahaan shanivaar ko samvaadadaataaon se kaha ki company ne bahut pehle trushna vanyajeev abhayaaranya mein 10-12 gas ke kunon ki pehchaan ki thi jinmein gas ke bhandaar hone ka pata hai. Choonki yeh gas kshetr abhayaaranya mein aata hai, hamein raashtreeya vanyajeevan board se manjoori ki jaroorat thi. unhonne kaha ki raajya vanyajeevan board ki sifaarishon ke baad raashtreeya vanyajeevan board ne bruhaspativaar ko is pariyojana ko manjoori pradaan kar di hai. Raajya board ne is sambandh mein 17 September ko hi apni manjoori de di thi. Roy ne kaha ki company ne paaipalaain bichhaane ka kaam pehle hi poora kar liya hai aur poori prakriya ko jald hi poora kar liya jaaega. yahaan se utkhanan ki jaane waali gas ko poorvottar vidyut utpaadan nigam limited (neepko) ke monaarchak sthit 100 megawatt kshamata ke gas aadhaarit taapeeya vidyut pariyojana ko bheji jaaegi.

ONGC Ki Trushna Gas Pariyojana Ko Raashtreeya Vanyajeevan Board Se Manjoori http://www.angrejinews.com/pic/247326