Notabandi Ke Do Saal Tax Aadhaar Badhne Ki Baat Kah Jaitley Ne Ki Taareef, Rahul Ne Bataaya Kroor Shadyantr

Breaking »

Notabandi Ke Do Saal Tax Aadhaar Badhne Ki Baat Kah Jaitley Ne Ki Taareef, Rahul Ne Bataaya Kroor Shadyantr

Nai Delhi Guruvaar ko notabandi ke do saal poore hone ke baad sarkaar aur vipaksh khaaskar Congress ke beech teekha vaad-vivaad dekhne ko mila. Ek taraf vitt mantri Arun Jaitley ne notabandi ko aayakar daataaon ki badhti sankhya se jod iski bachaav kiya to doosari taraf Rahul Gandhi ne kaha ki isse 15 lakh logon ki naukri gayi aur GDP ek feesadi ghati. Congress adhyaksh Rahul Gandhi ne notabandi ko kroor shadyantr bataaya hai. Notabandi ki doosari saalagirh par BJP ne bhi Congress par nishaana saadha aur party se 10 savaal kiye. BJP ne aarop lagaaya ki jab-jab bhrashtachaara ke khilaaf koi muhim chalti hai to Congress virodh kyon karti hai. BJP ne poorv vittamantri pi Chidambaram par lage kathit bhrashtaachaar ke maamalon ki chal rahi jaanch ke sandarbh mein kaha ki unhein neetigat muddon par bolne ka hak naheen hai. Notabandi ke 2 saal poore hone par Jaitley ne ek Facebook post likhi. Facebook par 'Notabandi ka prabhaav' sheershak se likhe ek lekh mein Jaitley ne kaha ki desh mein aayakar return daakhil karne vaalon ki sankhya 80 pratishat uchhalakar 6.86 karod tak pahunchana , digital len-den mein vruddhi, gareebon ke hit ke kaam aur buniyaadi dhaanche ke vikaas ke liye sansaadhan ki adhik upalabdhata notabandi ke kadam ki mukhya upalabdhiyaan hain. Chalan se 500 aur 1,000 rupaye ke not ko hataane se sarkaar un logon ko ka pata lagaane mein kaamayaab hui jinhonne gyaat srot se adhik sampatti rakhi thi. Unhonne kaha, 'Nakadi jama karne se sandigdh 17.42 lakh khaataadhaarakon ka pata chala. Un logon se bina seedhe kaarravaai kiye aanalaain javaab praapt kiye gaye. ' Udhar, Congress adhyaksh Rahul Gandhi ne PM Modi par jamkar hamla bola aur aarop lagaaya ki Modi sarkaar ka yeh kadam khud se paida ki gayi 'Traasadi' aur 'Aatmaghaati hamla' tha. Rahul Gandhi ne aarop lagaaya ki pradhaanamantri ke 'Soot-boot vaale mitron' ne apne kaaledhan ko safed karne ka kaam kiya. Rahul Gandhi ne ek bayaan mein kaha, 'Bhaarat ke itihaas mein aath November ki taareekh ko hamesha kalank ke taur par dekha jaaega. Do saal pehle aaj ke din pradhaanamantri Modi ne desh par notabandi ka kahar barapaaya. Unki ek ghoshana se Bhaarat ki 86 feesadi mudra chalan se baahar ho gayi jisse hamaari arthavyavastha tham gayi. ' Congress adhyaksh ne kaha ki notabandi ke baad 100 se adhik logon ki kataaron mein maut ho gayi. Unhonne ne daava kiya ki Modi sarkaar ne notabandi ke samay jin lakshyon ki baat ki thi unamein se ek bhi lakshya poora naheen ho saka hai aur iske ulat desh ki GDP mein ek feesadi ki kami I. Poorv PM Manmohan Singh ne notabandi ko ek 'Ashubh' aur 'Bina soche samajhe' uthaaya gaya kadam karaar dete huekaha ki is faisale ke jakhm va nishaan vakt ke saath jyaada spasht dikhne lage hain aur iske gambhir prabhaav abhi bhi saamane aa rahe hain. Singh ne kaha ki aath November yeh yaad karne ka din hai ki 'Kaise ek aarthik vipda ne lambe samay ke liye raashtra ko prabhaavit kiya. ' unhonne sarkaar se aarthik neetiyon mein nishchitta va paaradarshita bahaal karne ka aagrah kiya. Bata dein ki Manmohan Singh ne notabandi ke baad kaha tha ki GDP do feesadi tak giregi. Haalaanki vipakshi dalon ki aalochanaaon ka javaab dete hue Jaitley ne kaha ki teevr aarthik vruddhi dar ne niraasha ki baatein karne vaale aalochakon ko galat saabit kiya hai. Jaitley ne Manmohan Singh par nishaana saadhate hue kaha ki logon ne yeh bhavishyavaani ki thi ki notabandi se aarthik vruddhi dar mein 2 pratishat tak ki giraavat aaegi, ve sabhi galat saabit hue. (IANS, bhaasha ke inputs ke saath)

Notabandi Ke Do Saal Tax Aadhaar Badhne Ki Baat Kah Jaitley Ne Ki Taareef, Rahul Ne Bataaya Kroor Shadyantr http://www.angrejinews.com/pic/233485