Niji Staaf Se Pradhaanamantri Manmohan Singh Ne Li Vidaai, Jataaya Aabhaar

Breaking »

Niji Staaf Se Pradhaanamantri Manmohan Singh Ne Li Vidaai, Jataaya Aabhaar

Nai Delhi: pradhaanamantri Manmohan Singh ne aaj south blauk sthit pradhaanamantri kaaryaalaya mein apne niji staaf ko unki madad ke liye dhanyavaad dete hue unase vida li. sootron ne kaha ki pradhaanamantri ne niji staaf ke 110 sadasyon se mulaakaat ki aur unke prati apna aabhaar jataaya. unhonne bataaya ki varsh 2004 mein pradhaanamantri bane Singh ne in logon se pradhaanamantri kaaryaalaya mein mulaakaat ki. Yahaan sambandhit staaf ke 400 sadasyon ne south blauk ke galiyaaron mein taaliyaan bajaakar unka abhivaadan kiya. pradhaanamantri shanivaar ko apne mantrimandal ki antim baithak kareinge aur iske baad ve raashtrapati Pranab mukharji se mulaakaat ke liye raashtrapati bhavan jaaenge. Sootron ne kaha ki raashtrapati ke saath mulaakaat se lautane par Singh raashtra ko sambodhit kareinge. isi din Singh apne mantrimandal ke sadasyon ke liye 'Haai-ti' ka aayojan kareinge aur iske baad raashtrapati in sabhi ke liye raatri bhoj ka aayojan kareinge. nae pradhaanamantri ka svaagat karne ke liye pradhaanamantri kaaryaalaya, khaaskar saajo-saamaan ka naveekaran kiya ja raha hai.

Niji Staaf Se Pradhaanamantri Manmohan Singh Ne Li Vidaai, Jataaya Aabhaar http://www.angrejinews.com/pic/50446