Netanyaahoo Ka Bhaarat Daura Raksha Aur Vyaapaar Par Raheingi Nigaahein

Breaking »

Netanyaahoo Ka Bhaarat Daura Raksha Aur Vyaapaar Par Raheingi Nigaahein

Nai Delhi Ijaraayal ke pradhaanamantri beinjaamin netanyaahoo ke aagaami Bhaarat daure par donon deshon ke beech vyaapaar aur raksha kshetr mein bhaageedaari badhaane par jor diya ja sakta hai. Bata dein ki netanyaahoo 14 se 19 January ke beech Bhaarat daur par raheinge. Haal hi mein Bhaarat ne ijaraayal ki sarkaar ke niyantran waali defence kauntraiktar raafel company ko diye ainti-tank gaaided misaail ka order kainsal kar diya tha. Yeh deal kareeb 500 million dollar ki thi. Bhaarat ke saath radd hue misaail saude par Bhaarat mein ijaraayal ke raajadoot Daniel karmon ne kaha, 'Agar ise lekar koi samasya hai to usaka samaadhaan ho sakta hai. ' bata dein ki Bhaarat ijaraayal se har saal kareeb 1 arab dollar ke hathiyaar khareedata hai. Ainti-tank gaaided misaail saude ke radd hone ke baavajood bhaarateeya raksha mantraalaya ne is maheene raafel dvaara nirmit 131 Barack misaailon ko khareedne ke liye 72 million dollar ke raksha saude ko manjoori di hai. Netanyaahoo ki Bhaarat yaatra par unke saath 130 sadasyeeya pratinidhimandal bhi hoga. Is pratinidhimandal mein cyber kshetr, krushi kshetr ke saath-saath raksha kshetr se jude sadasya bhi honge. Bata dein ki netanyaahoo apni 6 divseeya yaatra ke dauraan Bhaarat ki rajdhani Delhi, desh ki aarthik rajdhani Mumbai ke alaava PM Modi ke gruharaajya Gujarat bhi jaaenge. Uth sakta hai filisteen ka mudda Sanyukt raashtra ne haal hi mein us prastaav ko manjoori di thi, jismein yarushalam ko ijaraayal ki rajdhani ke taur par maanyata dene ke ameriki faisale ka virodh kiya gaya tha. Bhaarat is prastaav ke samarthan mein tha. Aise mein maana ja raha hai ki netanyaahoo ke Bhaarat daure par filisteen ka mudda bhi uth sakta hai. Padhein, netanyaahoo ki Bhaarat yaatra mein filisteen ka mudda uthane ki ummeed.

Netanyaahoo Ka Bhaarat Daura Raksha Aur Vyaapaar Par Raheingi Nigaahein http://www.angrejinews.com/pic/188259