Nauka Haadase Ko Lekar Dakshin Korea Ke Pradhaanamantri Chung Hong Von Ka Isteefa

Breaking »

Nauka Haadase Ko Lekar Dakshin Korea Ke Pradhaanamantri Chung Hong Von Ka Isteefa

Dakshin Korea ke PM von Dakshin Korea ke PM von Sol: dakshin Korea ke pradhaanamantri chung hong von ne ek yaatri nauka doobne ki ghatna ko lekar ravivaar ko apne pad se isteefa de diya. nauka haadase mein 300 se adhik log ya to maare gaye hain ya laapata hain. pradhaanamantri chung hong von ne kaha, 'Is haadase ko rok paane mein naakaam rahane ke liye aur iske baad samuchit pratikriya na dene ke liye main kshama chaahata hoon. ' unhonne kaha, 'Main maanata hoon ki pradhaanamantri hone ke naate nishchit roop se yeh meri jimmedaari hai aur main isteefa deta hoon. ' nauka haadase aur uske baad bachaav abhiyaan sanchaalan ko lekar sarkaar aur uske kaaryaalayon ki vyaapak aalochna hui. pradhaanamantri chung hong von ne kaha, 'Main pehle hi isteefa dena chaahata tha, lekin haalaat se nipatna pehli praathamikta thi aur mainne socha ki jaane se pehle madad karna javaabadaareepoorn kaarya hai. ' unhonne kaha, 'Lekin mainne ab isteefa dene ka faisala kar liya. ' is beech jindo se mili ek khabar mein kaha gaya hai ki haadase mein nadaarad hue logon ki talaash kar rahe gotaakhoron ko aaj toofaan aur kharaab mausam ka saamana karna pada tatha unka kaam baadhit hua. Haalaanki vah ab bhi nauka tak pahunchane ki koshish kar rahe hain. tatarakshak ke ek pravakta ne bataaya ki samjha jaata hai ki shav doobi hui nauka mein fanse hue hain. Sivol naamak yeh nauka jab doobi thi tab usamein 476 log the. Inmein se 325 schooli bachche the. Yeh haadasa 11 din pehle hua tha. kal nauka ke chaalak dal ke chaar aur sadasyon ko giraftaar kiya gaya. Isse pehle 15 mareenon ko hiraasat mein liya gaya tha. In sabhi par yaatriyon ko asahaaya chhodne ke liye aaparaadhik laaparavaahi sahit anya aarop lagaae gaye hain. mausam vijnyaaaniyon aaj mausam aur jyaada kharaab hone ka poorvaanumaan jataaya hai. ab tak 187 logon ke maare jaane ki pushti ki ja chuki hai. Haadase mein logon ke jeevit bachane ki sambhaavana ab naheen ke baraabar hai.

Nauka Haadase Ko Lekar Dakshin Korea Ke Pradhaanamantri Chung Hong Von Ka Isteefa http://www.angrejinews.com/pic/48750