Naresh Agrawal Ke Puraane Savaal Se Doosare Din Bhi Asahaj Dikhi BJP, Notabandi Par Poochha Tha 'Kya Bura Faisala Tha?

Breaking »

Naresh Agrawal Ke Puraane Savaal Se Doosare Din Bhi Asahaj Dikhi BJP, Notabandi Par Poochha Tha 'Kya Bura Faisala Tha?

Nai Delhi Samaajavaadi party (SP) chhodkar BJP ka daaman thaamane vaale Rajyasabha saansad naresh Agrawal ke kaaran lagaataar doosare din party ke liye asahaj sthiti ban gayi. Daraasal, kuchh din pehle Agrawal ne kendra sarkaar se savaal poochhakar yeh jaanana chaaha tha ki kya usane yeh sveekaar kiya hai ki notabandi sabse bura faisala tha? Dilchasp baat yeh hai ki keindreeya mantri ne mangalvaar ko jab is savaal ka javaab sadan mein rakha, Agrawal BJP mein aa chuke the. Gaurtalab hai ki SP ki or se dobaara uchch sadan naheen bheje jaane se naaraaj Agrawal somvaar ko BJP mein shaamil ho gaye. Usi din vah jaya Bachchan par apni tippani se vivaadon mein aa gaye the. Unhonne Rajyasabha mein jaya Bachchan ko tarajeeh diye jaane par SP ko nishaana banaate hue kaha ki party ne unki tulana film abhinetri se ki hai 'Jo filmon mein naachati theen. ' unke aisa kehte hi vahaan maujood BJP neta asahaj ho gaye. BJP ne fauran party mein aae nae mehmaan ke bayaan se khud ko alag kar liya tha. Padhein: BJP mein shaamil hote hi naresh ne jaya Bachchan par diya vivaadit bayaan Daraasal, kuchh dinon pehle Agrawal ne notabandi par vitt mantri se likhit roop se prashn poochha tha aur usaka javaab mangalvaar ko sadan mein rakha gaya. Agrawal ne jaanana chaaha tha ki kya 'Yeh sachchaai hai ki sarkaar ne sveekaar kar liya hai ki notabandi ka usaka kadam ek bura faisala tha aur yadi aisa hai to kaaran kya hain? ' vitt raajya mantri pi. Radhakrishnan ne sadan mein likhit javaab rakha. Unhonne savaal ke pehle hisse ke javaab ke taur par 'Naheen' kaha aur doosare hisse ke baare mein kaha ki 'Savaal paida hi naheen hota'. Rajyasabha ke niyamon ke tahat koi bhi saansad kisi bhi mantri se 15 din pehle likhit roop se savaal poochh sakta hai. Is savaal ka notice likhit mein Rajyasabha ke mahaasachiv ko diya jaata hai aur ismein us mantri ka naam hona chaahiye jisse yeh savaal poochha gaya hai. Iske alaava vah taareekh bhi prastaavit ki ja sakti hai jis din ke savaalon mein ise javaab ke liye shaamil kiya jaana hai. Padhein, naresh Agrawal ke jaane se samaajavaadi party ko hoga faayda: Mulaayam Isi savaal mein Agrawal ne kaha tha ki agar faisala bura naheen tha to sarkaar yeh bataae ki 8 November 2016 ko 500 aur 1000 ke puraane noton ko amaanya ghoshit kiye jaane se kin kshetron ko faayda hua. Javaab mein Radhakrishnan ne kaha ki notabandi se jaali mudra khatm ho gayi aur aatanki gatividhiyon par karaara prahaar kiya gaya. Black mani ke khilaaf yeh badi kaarravaai thi aur isse arthavyavastha behtar aur dijitaaijeshan ki or badhi. Unhonne aage kaha, 'Farji bhaarateeya karansi ka istemaal aatankiyon aur naksaliyon dvaara kiya ja raha tha. Notabandi ke parinaamasvaroop aatankiyon aur naksaliyon ki funding poori tarah se band ho gayi. ' unhonne yeh bhi kaha ki notabandi ke baad Jammu aur Kashmir mein pattharabaaji ki ghatnaaon mein kami I hai. Iske alaava unhonne 8 November 2016 ke baad khaaton mein jama karaai gayi dhanaraashi ke aankade bhi rakhe, jis par shikanja kasa ja raha hai.

Naresh Agrawal Ke Puraane Savaal Se Doosare Din Bhi Asahaj Dikhi BJP, Notabandi Par Poochha Tha 'Kya Bura Faisala Tha? http://www.angrejinews.com/pic/196247