Naresh Agrawal Ke Jaane Se Samaajavaadi Party Ko Hoga Faayda Mulaayam Singh Yadav

Breaking »

Naresh Agrawal Ke Jaane Se Samaajavaadi Party Ko Hoga Faayda Mulaayam Singh Yadav

Lucknow Apne vivaadit bayaanon lekar charcha mein rahane vaale Rajyasabha saansad naresh Agrawal ke samaajavaadi party chhodkar BJP mein shaamil hone par SP sanrakshak mulaayam Singh Yadav ne apni pratikriya di hai. Mulaayam Singh ne kaha ki naresh Agrawal ke jaane se SP ko faayda hoga na ki nuksaan. Bata dein, mulaayam Singh Yadav ke bhaai Ram gopaal Yadav ke kareebi samajhe jaane vaale naresh Agrawal ne raajya sabha ticket naheen milne par somvaar ko SP chhod BJP ka daaman thaam liya. Naresh Agrawal ne press conference mein haalaanki SP sanrakshak mulaayam Singh Yadav aur raamagopaal Yadav ke prati sammaan dikhaaya lekin yeh bhi kaha ki uttar pradesh mein party ka janaadhaar kamjor hua hai. Unhonne pradhaanamantri Narendra Modi aur party pramukh amit shaah ki prashansa ki aur daava kiya ki unke samudaaya ke log bhagava dal ke saath majabooti se khade hain. Padhein: Mahila netaaon ne naresh ko sunaai khari-khari Udhar, BJP mein shaamil hone ke dauraan pehli press conference mein hi vah vivaadon mein ghir gaye. Unhonne Rajyasabha mein jaya Bachchan ko tarajeeh diye jaane par SP ko nishaana banaate hue kaha ki party ne unki tulana film abhinetri se ki hai 'Jo filmon mein naachati theen. ' unke aisa kehte hi vahaan maujood BJP neta asahaj ho gaye aur party ne fauran is bayaan se khud ko alag kar liya. Padhein: Chautarafa ghire naresh bole, kasht ke liye khed hai Agrawal ke bayaan par keindreeya videsh mantri aur party ki varishth neta Sushma Swaraj ne bhi aapatti jataai. Unhonne tweet kiya, 'Naresh Agrawal bhaarateeya janta party mein shaamil hue hain. Unka svaagat hai, lekin jaya Bachchan ji ke vishay mein unki tippani anuchit evam asveekaarya hai. ' vivaad badhne par naresh Agrawal ne apne bayaan par khed jataaya. Koi nuksaan nahi hoga, unke jaane se fayda hi hoga: SP'S Mulayam Singh Yadav on Naresh Agrawal joining BJP. Https: //t. Co/TO1r47PeAO— ANI (@ANI) 1520929996000 Agrawal ne mangalvaar ko jaya par diye bayaan par safaai dete hue kaha, 'Mere bayaan se kisi ko koi kasht hua hai to mujhe usaka khed hai. Mujhe SP ne ticket dena uchit naheen samjha aur jaya ko ticket diya. Main kisi vivaad mein naheen padna chaahata hoon aur khed jataata hoon. ' unhonne kaha, 'Mere bayaan ko media ne alag tareeke se dikhaaya. Mera kisi ko dukh pahunchaane ka iraada naheen tha. Main apne shabd vaapas leta hoon. ' haalaanki patrakaaron dvaara baar-baar maafi maangane ke savaal par bhi Agrawal ne apne bayaan ke liye maafi naheen maangi. Unhonne ulte poochha, 'Khed shabd ka matlab samajhte hain aap? ' Akhilesh Yadav ne BJP se ki naresh Agrawal ke khilaaf shakht kaarravaai ki maangaX.

Naresh Agrawal Ke Jaane Se Samaajavaadi Party Ko Hoga Faayda Mulaayam Singh Yadav http://www.angrejinews.com/pic/196226