Narendra Modi Varanasi Mein Rod Sho Ke Baad Daakhil Kareinge Naamaankan, Bhagava Rang Se Pateen Sadkein

Breaking »

Narendra Modi Varanasi Mein Rod Sho Ke Baad Daakhil Kareinge Naamaankan, Bhagava Rang Se Pateen Sadkein

Varanasi: BJP ke pradhaanamantri pad ke ummeedavaar Narendra Modi aaj Varanasi se naamaankan daakhil karne ja rahe hain. Naamaankan daakhil karne se pehle Modi rod sho kar rahe hain, jismein hajaaron ki sankhya mein log maujood hain. Banaaras ki sadke bhagava rang se pati hui hain. Modi beeechayoo ke paas helikauptar se utare aur sabse pehle beeechayoo kainpas mein madan mohan maalaveeya ki pratima par maalyaarpan kiya aur apne rod sho ki shuruaat ki. Iske baad vah sardaar vallabh bhaai Patel ki pratima ke paas pahunche aur vahaan bhi maalyaarpan kiya. Modi ke prastaavakon mein ek suprasiddh gaayak, ek naavik aur High Court ke ek retired judge shaamil hain. Modi ke naamaankan se pehle hone vaale rod sho ke liye sthaaneeya logon ko to bulaaya hi gaya, saath hi Punjab, Rajasthan, Gujarat, Maharashtra aur Tamil Nadu ke logon se bhi yahaan aane ki appeal ki gayi. Modi ke rod sho ki theem mini India rakhi gayi hai aur isi ko dhyaan mein rakhakar sabhi raajyon ke logon se unke paaramparik kapade pahanakar aane ko kaha gaya. Varanasi mein Modi ke naamaankan ko lekar kade suraksha intajaam kiye gaye hain aur poore shahar mein police ko haai alert par rakha gaya hai. Jila prashaasan ke adhikaariyon ne bataaya ki Modi ke naamaankan ke dauraan suraksha ke maddenajar chappe-chappe par policekarmiyon ki tainaati ki gayi hai. Modi jis maarg se naamaankan karne jaaenge, us par police ki gasht Budhvaar aadhi raat ke baad se hi badha di gayi thi. Varanasi mein 12 May ko Loksabha chunaav hona hai aur Modi ko takkar dene ke liye aam aadmi party ke raashtreeya sanyojak Arvind Kejriwal maidaan mein hain, to Congress ne Ajay rai ko maidaan mein utaara hai.

Narendra Modi Varanasi Mein Rod Sho Ke Baad Daakhil Kareinge Naamaankan, Bhagava Rang Se Pateen Sadkein http://www.angrejinews.com/pic/48424