Narendra Modi Sirf Kursi Ke Liye Chintit Gujarat Mein Soniya Gandhi

Breaking »

Narendra Modi Sirf Kursi Ke Liye Chintit  Gujarat Mein Soniya Gandhi

Valasaad (Gujarat): Congress adhyaksh soniya Gandhi ne Narendra Modi par unke gadh mein hamla bola aur unke Gujarat ke vikaas model par savaal khade karte hue matadaataaon se kaha ki ve aise balon ko naheen jitaaen, jinki vichaaradhaara 'Kattar' soch aur 'Ghruna' par aadhaarit hai. Modi par aam logon ke liye naheen, balki sirf apni kursi ke liye chintit hone ka aarop lagaate hue soniya ne kaha ki beech mein hi padhaai chhodne vaale bachchon ki dar desh mein sabse jyaada Gujarat mein hai. Unhonne kaha ki Gujarat mein aise parivaar ko gareeb naheen maana jaata, jinki aay 11 rupaye se jyaada hai. unhonne yahaan ek janasabha ko sambodhit karte hue kaha, chaunkaane waali baat yeh hai ki jo log 11 rupaye se jyaada kamaate hain, unhein Gujarat sarkaar nirdhan naheen maanati. Mujhe bataaie ki yeh svarg hai ya kuchh aur. Ve sirf apni kursi ke liye chintit hain aur unka nirdhan logon se koi lenaadena naheen hai. soniya ne kaha ki is saal ka chunaav do vichaaradhaaraaon ke beech lada ja raha hai. Unhonne matadaataaon se appeal ki ki ghruna, sankeernata aur bhedabhaav jaisi kattarpanthi vichaaron ko badhaava dene waali taakaton ko door rakhein. Unhonne kaha, bhaajapa aisi hi ek vichaadhaara hai. Yeh aise sangathan ke ishaare par kaam karti hai, jo ganga-jamuna tahajeeb mein bharosa naheen karti, jo ghruna, sankeernata aur kattarpanthi soch ke jariye samaaj mein bhedabhaav paida karta hai.

Narendra Modi Sirf Kursi Ke Liye Chintit Gujarat Mein Soniya Gandhi http://www.angrejinews.com/pic/48472