Narendra Modi Par Congress Ke Prahaar Ke Baad, BJP Ne Jaari Ki Rahul Gandhi Ki Tasveer

Breaking »

Narendra Modi Par Congress Ke Prahaar Ke Baad, BJP Ne Jaari Ki Rahul Gandhi Ki Tasveer

Nai Delhi: Congress aur BJP ke beech shuroo hue 'Photo yuddh' ko aage badhaate hue mukhya vipakshi dal ne aaj Rahul Gandhi ka ek photo jaari kiya, jismein unhein Rajasthan ke kathit history sheetar Asif billa ke saath motor cycle par savaari karte dikhaaya gaya hai. BJP ki pravakta meenaakshi lekhi ne yahaan kaha, 'Saarvajanik jeevan mein hone ke kaaran raajaneetikon ke kisi ke bhi saath photo khinch sakte hain. Lekin aap iski safaai kaise de sakte hain. ' unhonne Rahul ki Asif ke saath photo ko dikhaate hue yeh savaal kiya. unhonne kaha, 'Rahul Gandhi jis tarah se Asif ke saath motorcycle par baithe hain, kya ham maan kar chalein ki ve donon achhe dost hain aur kya yeh bhi maanein ki Asif billa ki kaaragujaariyon ke liye Rahul javaabadeh hain. . . ' Congress ne kal ek photo jaari kiya tha jismein Narendra Modi ko havaala ke abhiyukt ke saath dikhaaya gaya tha. isse pehle BJP ne poorv cricketer aur Congress saansad muhammad ajaharuddeen ka havaala kaarobaar ke aaropi afaroj fatta ke saath photo jaari kiya tha. Dilchasp baat yeh hai ki Congress ne isi fatta ke saath somvaar ko Modi ka photo jaari kiya tha.

Narendra Modi Par Congress Ke Prahaar Ke Baad, BJP Ne Jaari Ki Rahul Gandhi Ki Tasveer http://www.angrejinews.com/pic/49035