Narendra Modi Ne Vote Daalne Ke Baad Mobile Phone Se Kheenchi Khud Ki Tasveer

Breaking »

Narendra Modi Ne Vote Daalne Ke Baad Mobile Phone Se Kheenchi Khud Ki Tasveer

Vote daalne ke baad mobile se apni tasveer kheenchate Narendra Modi Vote daalne ke baad mobile se apni tasveer kheenchate Narendra Modi Ahmedabad: Loksabha chunaav ke liye Gujarat mein matadaan ke dauraan BJP ke PM pad ke ummeedavaar Narendra Modi ne party ke varishth neta Lal Krishna Advani ke nirvaachan kshetr Gandhinagar mein apna vote daala. Apna vote daalne ke baad media ko sambodhit karte hue kaha ki chunaav lokatantr ka mahaaparv hai aur sabhi logon ki bhaageedaari se lokatantr majaboot hota hai. unhonne kaha, Gujarat ke matadaataaon aur naagrikon ka abhinandan aur aabhaar vyakt karta hoon ki chunaav abhiyaan shaantipoorvak sampann karaaya. Modi ne kaha, main Gujarat mein chunaav prachaar ke liye sirf 18 ghante de paaya, iske liye kshama maangata hoon. Matadaan ke baad Modi ne haath mein kamal ka nishaan lekar mobile se khud ki tasveer bhi kheenchi. (aam chunaav 2014 : Ful coverage) Narendra Modi ki maan heeraaben ne Gandhinagar seat ke liye matadaan kiya, jahaan vah rahati hain. Vaise, Budhvaar ko Gujarat ki sabhi 26 Loksabha seaton par matadaan ho raha hai, jinmein se ek seat vadodara se Modi swayam bhi maidaan mein hain. Vaise Narendra Modi vadodara ke atirikt uttar pradesh ki Varanasi seat se bhi chunaav lad rahe hain, jahaan 12 May ko antim charan mein matadaan hona hai. (chunaav kaaryakram)

Narendra Modi Ne Vote Daalne Ke Baad Mobile Phone Se Kheenchi Khud Ki Tasveer http://www.angrejinews.com/pic/49082