Narendra Modi Ne Sangh Pramukh Bhagwat Se Ki Mulaakaat

Breaking »

Narendra Modi Ne Sangh Pramukh Bhagwat Se Ki Mulaakaat

File photo File photo Nai Delhi: Loksabha chunaav ka prachaar samaapt hote hi pradhaanamantri pad ke bhaajapa ke ummeedavaar Narendra Modi ne aaj raat yahaan sangh pramukh mohan Bhagwat se mulaakaat ki aur chunaavi paridrushya ki sameeksha karne ke saath bhavishya ki kaarravaai par charcha ki. uttar pradesh mein chunaav prachaar karke Modi Delhi pahunche aur seedhe poorv pradhaanamantri atal bihaari Vajpayee se milne gaye. Gujarat ke mukhyamantri ne tweet kiya, 'Chunaav ki aakhiri rally ko sambodhit karne ke baad atalaji ka aasheervaad lene aaya. Jab prachaar shuroo hua tha tab bhi unase mila tha. Unase milna hamesha khaas hota hai. ' uske baad unhonne party adhyaksh Rajnath Singh se unke aavaas par mulaakaat ki. Rajnath Singh se milne ke baad Modi yahaan jhandevaalaan mein sangh kaaryaalaya pahunche aur raashtreeya swayamsevak sangh ke sarasanghachaalak Bhagwat ke saath suresh soni samet anya padaadhikaariyon se mile. Sootron ne bataaya ki chunaav prachaar ki sameeksha karne aur bhavishya ki rananeeti tay karne ke liye sangh netaaon se mulaakaat hui.

Narendra Modi Ne Sangh Pramukh Bhagwat Se Ki Mulaakaat http://www.angrejinews.com/pic/50208