Narendra Modi Ne Priyanka Par Kaha, Beti Maan Ki Aur Bahan Bhaai Ka Bachaav Karegi Hi, Mujhe Isse Koi Samasya Naheen

Breaking »

Narendra Modi Ne Priyanka Par Kaha, Beti Maan Ki Aur Bahan Bhaai Ka Bachaav Karegi Hi, Mujhe Isse Koi Samasya Naheen

File photo File photo Ahmedabad: Congress par 'Dharmanirpekshata ke bankar mein chhipne ka prayaas' karne ka aarop lagaate hue Narendra Modi ne aaj kaha ki party apne astitv ki ladaai lad rahi hai. Unhonne kaha ki nai Loksabha mein Congress ke liye 100 seat ke star tak pahunchana bhi 'Kathin kaarya' prateet ho raha hai. Congress adhyaksh soniya Gandhi ke aarop ki unka chunaav prachaar 'Dhaarmik kattarata, dhan evam bal ka khatarnaak gathajod hai' par teekhi pratikriya vyakt karte hue bhaajapa ke pradhaanamantri pad ke pratyaashi ne kaha, 'Nishchit haar ka saamana kar rahi vah (Congress) apne astitv ki ladaai lad rahi hai aur ek baar fir dharmanirpekshata ke bankar mein chhipne ka prayaas kar rahi hai. ' Modi ne kaha, 'Usaki antim ummeed hai ki kisi tarah 100 seaton ke star ko paar kiya jaae jo uske liye kathin kaarya prateet ho raha hai. ' soniya ke kataaksh ki vah Bhaarat ko svarg banaane ka vaada kar rahe hain, par pratikriya vyakt karte hue unhonne kaha, 'Mainne kabhi yeh naheen kaha ki main Bhaarat ko svarg bana doonga aur mere paas sabhi samasyaaon ka hal hai. Main aashvast hoon ki log bhi mujhse yeh ummeed naheen karte. ' Modi ne kaha ki Bhaarat ke log bhi chamatkaar ki ummeed naheen kar rahe lekin 'Ve nishchit taur par ek sthir, nirnaayak evam samvedansheel sarkaar paane ke hakdaar hain. ' vaheen Priyanka Gandhi dvaara apne parivaar evam apne pati Robert vaadra ko lekar jaleel karne ke Modi par lagaae gaye aarop ke sambandh mein poochhane par bhaajapa neta ne kaha ki ek beti aur ek bahan ki tarah unhein apni maan aur bhaai ke liye prachaar karne ka adhikaar hai. Modi ne kaha, 'Yeh svaabhaavik hai ki ek putri apni maan ka bachaav karna pasand karegi. Ek bahan apne bhaai ka bachaav karna pasand karegi. Mujhe use lekar koi dikkat naheen hai. ' yeh poochhe jaane par ki unke satta mein aane par vaadra ke khilaaf aaropon se kaise nibta jaaega, BJP neta ne kaha ki vah badla lene ki raajaneeti aur kisi ke peechhe padne mein vishvaas naheen karte jiske vah khud das saal se 'Shikaar' rahe hain. unhonne saath hi yeh bhi kaha ki koi bhi kaanoon se oopar naheen hai aur agar kisi ne kuchh galat kiya hai to kaanoon apna kaam karega. 'Lekin yeh sansthaagat tareeke se niyamit prakriya ke jariye hona chaahiye jismein kisi bhi varg ki or se hastakshep naheen ho. Is prakaar ki kaarravaai raajaneetik soch se dishaanirdeshit naheen honi chaahiye. ' (dekhein : Narendra Modi ne Rahul ke bhaashan ko bataaya 'Comedy') vaheen Modi se jab poochha gaya ki kya vah mamata Bannerjee, jayalalita aur maayaavati jaisi un taakatavar kshetreeya netaaon se sampark saadhane ki koshish kareinge jo chunaav prachaar ke dauraan unki aalochna karti rahi hain, lekin chunaav ke nateeje aane ke baad unhein (Modi ko) unke samarthan ki jaroorat pad sakti hai. To BJP neta ne javaab diya, 'Ab tak mujhe poora yakeen hai ki BJP apne maujooda gathabandhan sahayogiyon ke saath milkar kendra mein sarkaar banaane ke liye jaroori sankhyaabal haasil karne ja rahi hai. Aapko yeh yaad rakhana chaahiye ki hamaare paas abhi 25 se jyaada saajhedaaron ka ek bada shaktishaali gathabandhan hai. ' Modi ne kaha, 'Hamein yakeen hai ki ham sarkaar chalaane ka sankhyaabal haasil kar leinge. Baharahaal, hamein desh chalaane ke liye har kisi ke samarthan aur sahayog ki jaroorat padegi. ' BJP neta ne pichhde musalmaanon ke liye OBC kote se jude Congress ke kadam ke liye us par teekha hamla bola aur kaha ki yeh daraasal 'Vote bank ki raajaneeti evam chunaavon se pehle tushteekaran ki raajaneeti' karne ki 'Aakhiri koshish' hai. Modi ne kaha ki Congress aisa vaada yeh jaante hue bhi kar rahi hai ki use laagoo naheen kiya ja sakta. Unhonne kaha, 'Main yeh bhi kahoonga ki isse us party ka asli 'Dharmanirpeksh' chehara ujaagar hota hai jo dharm ke aadhaar par vote haasil karne ki mansha rakhati hai. '

Narendra Modi Ne Priyanka Par Kaha, Beti Maan Ki Aur Bahan Bhaai Ka Bachaav Karegi Hi, Mujhe Isse Koi Samasya Naheen http://www.angrejinews.com/pic/48786