Narendra Modi Ne Kaha, Agar Haara To Mere Paas Meri Ketali Taiyaar Hai

Breaking »

Narendra Modi Ne Kaha, Agar Haara To Mere Paas Meri Ketali Taiyaar Hai

Amethi: BJP ke pradhaanamantri pad ke ummeedavaar Narendra Modi ne Gandhi parivaar ke gadh amethi mein 'Ek chai bechne' vaale ki apni pehchaan ko yaad karte hue Gandhi parivaar ki 'Vanshavaad' ki raajaneeti par seedha hamla bola. Narendra Modi ne yahaan rally mein apne sambodhan ke dauraan kendra mein agali sarkaar banaane ka daava karne ke saath hi kaha, 'Congress ke log poochhate hain, Modi agar haar gaye to kahaan jaaenge? Aap chinta na karein, mere paas meri ketali taiyaar hai, main ek baar fir se chai banaane lagoonga. ' (padhein- Modi ka poora bhaashan) amethi mein bhaajapa ki ummeedavaar smruti Irani ke samarthan mein aayojit rally ko sambodhit karte hue Modi ne kaha, 'Main badlaav laane ke liye aaya hoon. 2000 logon ke giroh ne desh ko loot liya hai. Main kisi bhi nateeje ke liye taiyaar hoon. ' Modi ne kaha, 'Kya gareeb parivaar mein paida hona aparaadh hai ? Kya chai bechana aparaadh hai? Unhonne mujhe aparaadhi bana diya. Par main aapko yakeen dilaana chaahata hoon ki achhe din aaenge. ' uttar pradesh ke matadaataaon se bhaavanaatmak samvaad kaayam karne ki koshish karte hue Modi ne kaha ki unka 'Gaurav' amethi ke logon ke haathon mein hai. rally ko sambodhit karte hue Modi ne kaha, 'Mera sammaan aapke haath mein hai. . Ek sevak ka sammaan, ek gareeb maan ke bete ka sammaan, ek chai bechne vaale ka sammaan aapke haathon mein hai. ' Modi ne aarop lagaaya ki soniya aur Rahul ne gareebon ko 'Dhokha' diya hai aur ve chintit hain kyonki unhein aashcharya ho raha hai ki 'Ek gareeb maan ka beta' aur ek 'Chai bechne vaala' aakhir 'Shaasakon' ko chunauti kaise de sakta hai. Modi ne daava kiya ki vah bhrashtaachaar mein yakeen naheen rakhate aur na hi kisi ko ismein shaamil hone dete hain. Unhonne kaha, 'Main chaar baar ka mukhyamantri hoon aur ek samruddh raajya ka mukhyamantri hoon. Par jab aise samruddh raajya ke mukhyamantri ki maan pichhle maheene vote daalne gain to ek autorickshaw mein gain. ' bhaajapa neta ne kaha, 'Kaun kehta hai ki bhrashtaachaar jaroori hai? Mera mantra hai, na khaata hoon. . Na khaane doonga. '

Narendra Modi Ne Kaha, Agar Haara To Mere Paas Meri Ketali Taiyaar Hai http://www.angrejinews.com/pic/49655