Narendra Modi Ne Adaani, Tata Ko Faayda Pahunchaane Ke Aaropon Ko Khaarij Kiya

Breaking »

Narendra Modi Ne Adaani, Tata Ko Faayda Pahunchaane Ke Aaropon Ko Khaarij Kiya

File photo File photo Ahmedabad: badi companiyon ko faayda pahunchaane ke Congress ke aaropon ko 'Ek aur jhoothi afavaah' karaar dete hue bhaajapa ke pradhaanamantri pad ke ummeedavaar Narendra Modi ne ravivaar ko kaha ki usaki sarkaar ne jo bhi protsaahan diye hain ve neetiyon par aadhaarit hain na ki manamarji ke anusaar diye gaye hain. Gujarat ke mukhyamantri ne kaha, 'Main nishchit rup se Bhaarat ke company jagat ko mahatvapoorn maanata hoon aur samajhta hoon ki yeh desh mein sampatti nirmaan mein kis tarah madad kar sakta hai. Mera maanana hai ki pichhle 60 saal mein Congress party vasooli ke dhandhe mein lagi rahi aur iseeliye usane laalafeetaashaahi ko badhaava diya. ' unhonne kaha ki vah laal feetaashaahi ko khatm karne mein gaharaai se vishvaas karte hai. 'Main kabhi bhi badi companiyon ko riyaayat dene ke paksh mein naheen raha, main nishchit roop se is baat mein vishvaas karta hoon ki prakriyaaon mein teji laakar, baadhaaon ko door kar tatha paaradarshita ko badhaava dekar nivesh ke liye upayukt maahaul taiyaar kiya jaana chaahiye. ' unhonne kaha, 'Agar kuchh nishchit kshetron ko protsaahan diye bhi gaye to ve us poore kshetr vishesh ke liye the tatha neetiyon par aadhaarit the na ki kisi chuninda company ke liye ya manamarji ke anusaar the. ' adaani aur tata samooh jaise audyogik gharaanon par krupa karne ko lekar Congress neta Rahul Gandhi ki taraf se baar-baar lagaae ja rahe aaropon ke baare mein poochhe gaye savaalon ki pratikriya mein Modi ne ye baatein kahi. Modi ne in aaropon ko girne ke kagaar par pahunch chuki 'Hataash Congress dvaara failaya ja rahi ek aur jhoothi afavaah' karaar dete hue Modi ne kaha ki tata naino maamale mein ek mahatvapoorn nirnaya pichhle saptaah aaya jismein Gujarat uchch nyaayaalaya ne raajya sarkaar ke rukh ko sahi thaharaaya. Modi ne kaha, 'Yaachika mein jo aarop lagaae gaye the, faisale ne use khaarij kar diya. Ab aise mein is prakaar ke dushprachaar ka koi matlab naheen hai. ' vah uchch nyaayaalaya dvaara janahit yaachika ko khaarij kiye jaane ka jikr kar rahe the jismein saanand mein naino sanyantr ke liye tata ko sasti dar par diye gaye karj ko chunauti di gayi thi. Modi ne yeh bhi kaha ki unki sarkaar ka mukhya jor audyogik nivesh khaaskar chhote evam majhole udyamon par hai. Sookshm, laghu evam majhole udyamon ki vruddhi dar jahaan desh mein keval 19 pratishat hai vaheen Gujarat mein yeh 85 pratishat hai. raajag ki aarthik neetiyon ki praathamikta ke baare mein Modi ne kaha ki arthavyavastha ki sehat ko durust karna tatha use fir patari par laana unki pehli praathamikta hogi aur vah companiyon ko kaarobaar karne ki chhoot deinge kyonki 'Us kaam ko vahi sabse achha jaanti hai. ' unhonne kaha, 'Sabse pehla aur mahatvapoorn kaam buniyaadi dhaancha tatha vinirmaan kshetr par fir jor dena hai. ' Modi ne kaha ki sarvaadhik dhyaan desh ke yuvaaon ke liye rojagaar srujan par diya jaaega. bhaajapa ke pradhaanamantri pad ke ummeedavaar ne kaha ki prakriyaagat baadhaaon ko door karne tatha pariyojana ko manjoori dene ke liye nirnaya lene ki poori prakriya mein teji laai jaaegi. Unhonne yeh bhi kaha ki mudraasfeeti par shikanja kasane ke liye vishisht kadam uthaae jaaenge. Modi ne kaha ki bhrashtaavaar ek aur chunauti hai jiska desh ko aaj saamana karna pad raha hai. Unhonne kaha ki samasya saamane aane ke baad us par dhyaan dene ke bajaae rishvatakhori rokane par jor hoga. unhonne kaha, 'Hamein bhrashtaachaar nivaaran par dhyaan keindrit karna hoga bajaay iske ki uske saamane aane ke baad keval uske kaarya-karan ki vivechana tak seemit rahane ke ravaiye ko apanaae rakhana hai. '

Narendra Modi Ne Adaani, Tata Ko Faayda Pahunchaane Ke Aaropon Ko Khaarij Kiya http://www.angrejinews.com/pic/48850