Narendra Modi Ko Vihip Ke Samarthan Ki JDU Ne Ki Aalochna

Breaking »

Narendra Modi Ko Vihip Ke Samarthan Ki JDU Ne Ki Aalochna

Nai Delhi / Patna: Gujarat ke mukhyamantri Narendra Modi ko raashtreeya raajaneeti mein laane ki koshishein tej ho gayi hain. BJP ke kai kaddaavar netaaon ke baad ab vishv hindu parishad (VHP) bhi Modi ke samarthan mein dikh raha hai. 7 February ko Mahakumbh mele mein vishv hindu parishad se jude santon ki aham baithak hogi. Sootron ki maanein to is baithak mein Modi ki pradhaanamantri pad ki daavedaari par muhar lag sakti hai. Haalaanki sootr yah bhi bata rahe hain ki BJP naheen chaahati hai ki sant samaaj aise kisi bhi tarah ke aadesh ko jaari kare. BJP ke netaaon ka maanana hai ki isse party aur gathabandhan mein vivaad ho sakta hai. Santon ki baithak mein Ram mandir nirmaan ko lekar bhi badi ghoshana hone ki ummeed hai. 2014 ke aam chunaavon ke liye PM pad ke ummeedavaar ko lekar NDA mein kheenchtaan jaari hai, jahaan ek bada dhada Narendra Modi ko race mein sabse aage maan raha hai, vaheen raaste mein JDU ka roda bhi hai. JDU ke pravakta shivaanand tivaari ne vishv hindu parishad par nishaana saadhate hue kaha hai ki NDA ke pradhaanamantri pad ke ummeedavaar ka chayan raajaneetik paartiyaan kareingi, na ki saadhu-sant. Unhonne kaha ki BJP NDA ka sabse bada ghatak hai. Yah pehle se hi tay hai ki BJP ki or se hi pradhaanamantri pad ka ummeedavaar hoga, lekin ummeedavaar NDA milkar tay karega.

Narendra Modi Ko Vihip Ke Samarthan Ki JDU Ne Ki Aalochna http://www.angrejinews.com/pic/963