Narendra Modi Ko 'Kasaai Kehne Ke Baad, Trinamool Ne Kaha, Maafi Maangein Modi

Breaking »

Narendra Modi Ko 'Kasaai Kehne Ke Baad, Trinamool Ne Kaha, Maafi Maangein Modi

Kolkata: BJP aur Trinamool ke beech nai jubaani jang tej ho gayi hai. Kolkata mein somvaar ko isi mudde par Trinamool Congress ki press conference hui. Is press conference mein TMC netaaon ne fir Modi par jamkar hamla kiya. unhonne kaha ki raajanaitik shaaleenata bhool kar Narendra Modi niji hamle kar rahe hain. Party ne Modi ke aarop par kaha ki mamata ki peintings par lagaae aarop ko saabit karein anyatha maanahaani ka saamana karein. TMC ka kehna hai ki Modi ahankaari hain aur ve jhoothe aarop laga rahe hain. Jiske khud ke haath khoon se range hain vo mamata par niji hamle kar raha hai. Modi aur Trinamool mein ye bahas us vakt shuroo hui jab kal pashchim Bengal ki ek rally mein Modi ne mamata Bannerjee par nishaana saadha. Modi ne kaha ki mamata sarkaar ne shaarada chit fund chalaane vaalon ki madad ki. Yahi naheen niji hamla karte hue Modi ne kaha ki pehle mamata banarzi ki peintings 8−10 lakh mein bikti theen. Mukhyamantri banane par karodon mein bik rahi hain. Inhein khareedne vaalon par Modi ne savaal uthaae aur kaha ki isse mamata ki chhavi kharaab hui hai. itna hi naheen, Modi ne yahaan tak kaha ki jitna nuksaan Bengal ka left ne 34 saalon mein naheen kiya tha, utana mamata Bannerjee ne 35 maheenon mein kar diya hai. pashchim Bengal ke shreeraamapur mein Modi BJP ummeedavaar bappi laahiri ke liye prachaar kar rahe the. Abhi tak mamata Bannerjee ke khilaaf bayaan dene se bachate rahe Narendra Modi ne pashchim Bengal ke shreeraamapur mein raajya ki mukhyamantri par nishaana saadha. BJP ummeedavaar bappi laahidi ke liye prachaar karne ke dauraan mamata par lage is aarop ke baad Trinamool saansad ne Modi par nishaana saadha hai. TMC ke pravakta derek O Brian ne Modi ko Gujarat ka kasaai bata diya tha.

Narendra Modi Ko 'Kasaai Kehne Ke Baad, Trinamool Ne Kaha, Maafi Maangein Modi http://www.angrejinews.com/pic/48880