Narendra Modi Ko Ham Hargij Samarthan Naheen Deinge Maayaavati

Breaking »

Narendra Modi Ko Ham Hargij Samarthan Naheen Deinge  Maayaavati

Lucknow: uttar pradesh ki poorv mukhyamantri aur BSP adhyaksh maayaavati ne un saare daavon ko khaarij kiya hai, jismein bhavishya mein BJP ke saath BSP gathabandhan ke kayaas lagaae ja rahe the. unhonne kaha ki is chunaav mein BJP ki haalat patali ho gayi hai, isliye vah ab sahayogiyon ki baat kar rahi hai. Maayaavati ne BJP aur Narendra Modi par muslimon ko gumaraah karne ka bhi aarop lagaaya. daraasal Modi ne apne taaja interview mein kaha hai ki agar unhein bahumat naheen mila to vah jayalalita, mamata Bannerjee aur maayaavati se samarthan ki maang kareinge. BJP par ochhi chaalein chalne ka aarop lagaate hue maayaavati ne kaha ki usane hamesha BSP aandolan ko kshati pahunchaane ki koshish ki hai. Unhonne kaha, kendra mein NDA ki pichhli sarkaar ke kaaryakaal mein basapa aandolan ko nuksaan pahunchaane ke liye mere khilaaf aay se adhik sampatti ke aarop mein maamala darj karva diya gaya tha. Isi tarah, pradesh mein jab-jab unhonne (BJP) hamaare saath sarkaar banaai BSP aandolan ko nuksaan pahunchaane ki koshish ki gayi. Varanasi aur chandauli mein chunaavi janasabhaaon ko sambodhit karne ke liye ravaana hone se pehle maayaavati ne kaha, Modi ke bayaan ke sahaare virodhi dal BSP ko nuksaan pahuncha sakte hai, isliye railiyon ko sambodhit karne jaane se pehle humne is prakaran mein apni sthiti spasht kar dena jaroori samjha.

Narendra Modi Ko Ham Hargij Samarthan Naheen Deinge Maayaavati http://www.angrejinews.com/pic/50087