Narendra Modi Apni Poonchh Mein Aag Lagaae Ghoomate Hain, Jahaan Jaate Hain, Aag Lagaate Hain Mamata Bannerjee

Breaking »

Narendra Modi Apni Poonchh Mein Aag Lagaae Ghoomate Hain, Jahaan Jaate Hain, Aag Lagaate Hain  Mamata Bannerjee

Kolkata: pashchim Bengal ke krushnaanagar mein Budhvaar ko Narendra Modi ne mamata Bannerjee par taana kasa, jiske javaab mein mamata ne kaha hai ki Narendra Modi apni poonchh mein aag lagaae ghoomate hain, jahaan jaate hain, aag lagaate hain. Daraasal, Modi ne kaha tha ki deedi ki kursi Bengal ke logon se badi ho gayi hai. Modi ne kaha, 'Supreme court ne kaha hai ki ghuspaith Bhaarat par aakraman hai. Mujhe court ke kahe ko sammaan dene mein koi hichk naheen hai. Supreme court ne kaha hai ki use laagoo kiya jaana hai. Bhaajapa ke pradhaanamantri ke pad ke ummeedavaar ne kaha ki Bangladesh se aae sharanaarthiyon ka maamala alag hai aur yeh Bhaarat ke sabhi raajyon ki jimmedaari hai ki ve inka punarvaas karein. Unhonne kaha, Bhaarat mein aane vaale do tarah ke log hain. Pehla ghuspaithiye aur doosra sharanaarthi. Jo log sharanaarthi hain ve hamaara parivaar hain. Yeh Bhaarat sabhi jimmedaari hai ki ve poore sammaan ke saath unka punarvaas karein. Modi ne daava kiya ki 'August, 2005 mein Trinamool Congress ki pramukh mamata Bannerjee ne baanglaadeshiyon ghuspaithiyon ko baahar karne ki maang karte hue Loksabha adhyaksh ke aasan par apni shawl feink di thi. Unhonne kaha, aapne (mamata) us vakt kaha tha ki baanglaadeshi ghuspaithiyon ne Bengal ko barbaad kar diya aur unhein vaam dal vote ki khaatir la rahe hain. Modi jo aaj kah raha hai vah aapne 2005 mein kaha tha. Gujarat ke mukhyamantri ne kaha ki chhah May, 1997 mein tatkaaleen gruhamantri indrajeet gupt ne sansad mein kaha tha ki Bangladesh ke ek karod ghuspaithiye Bhaarat mein daakhil ho gaye hain. Modi ne yahaan ek chunaavi sabha mein kaha, deedi mujhse naaraaj hain kyonki aapka prem mere liye badh gaya. Vah mujhe din mein 200 baar yaad karti hain. Main naheen jaanta ki unhonne mere baare mein kya kaha. Parantu deedi aapka har shabd mere liye aasheervaad hai. Apni kursi bachaane ke liye kya aap Bengal ke bhavishya ko andhere mein daal deingi? Unhonne kaha, ham aapka sammaan kiya karte the. Aapne vaamapanthiyon se akele ladaai ladi. Hamein aap par garv tha, lekin teen varshon mein aap badal gain. Modi ne mamata ki or se apni giraftaari ki maang kiye jaane ka havaala dete hue kaha, aap mujhe rassi se baandhana aur jail bhejana chaahati hain. Parantu aapko rassi khareedne ke liye nivida jaari karne par paise kharch karne ki jaroorat naheen padegi. Aap itna bata deejiye ki kis jail mein jaana hai. Main khud chala jaaoonga. Main yahaan hoon. Jail mein mera pehla kaam baangla bhaasha seekhana hoga.

Narendra Modi Apni Poonchh Mein Aag Lagaae Ghoomate Hain, Jahaan Jaate Hain, Aag Lagaate Hain Mamata Bannerjee http://www.angrejinews.com/pic/49941