Narendra Modi Aaj Shreeraam College Of Commerce Ke Chhaatron Ko Kareinge Sambodhit

Breaking »

Narendra Modi Aaj Shreeraam College Of Commerce Ke Chhaatron Ko Kareinge Sambodhit

Nai Delhi: Gujarat ke mukhyamantri Narendra Modi aaj nai Delhi mein pratishthit shreeraam college of Commerce ke chhaatron ko sambodhit kareinge. BJP ke kuchh netaaon ne pradhaanamantri pad ke ummeedavaar ke taur par Modi ki daavedaari ka samarthan kiya hai. Modi pehle shri Ram memoriyl oreshan ko sambodhit kareinge. Iski shuruaat Delhi vishvavidyaalaya ke shreeraam college of Commerce ke sansthaapak ki yaad mein ki gayi hai. Is kaaryakram ke saath business kaunaklev-2013 ka samaapan hoga. Gujarat sarkaar ki or se jaari ek vaktavya mein kaha gaya ki college ne kainpas mein ek sarvekshan ke baad Modi ko aamantrit kiya hai. Sarvekshan mein chhaatron ne unhein sunane ki ichha ka sanket diya. Apni dinbhar ki Delhi yaatra ke dauraan Modi chauthi baar Gujarat ka mukhyamantri nirvaachit hone ke baad pehli baar pradhaanamantri Manmohan Singh se mileinge. Modi 12 February ko Mahakumbh mein hissa lene ke liye Allahabad bhi jaaenge. Haal ke hafton mein Modi ko pradhaanamantri pad ka ummeedavaar ghoshit karne ke liye party mein maang tej hoti ja rahi hai.

Narendra Modi Aaj Shreeraam College Of Commerce Ke Chhaatron Ko Kareinge Sambodhit http://www.angrejinews.com/pic/1219