Nakali Saamaan Se Bhaarateeya Udyog Pareshaan, Laakhon Naukariyon Ke Liye Khatra Report

Breaking »

Nakali Saamaan Se Bhaarateeya Udyog Pareshaan, Laakhon Naukariyon Ke Liye Khatra Report

Nai Delhi Baajaar mein nakali utpaadon ki bikri se sthaaneeya utpaadakon ke kaarobaar par bura asar pad raha hai aur isse keval saat prakaar ke udyogon ko hi 1,05,381 karod rupaye ka nuksaan hone ka anumaan hai. Udyog mandal FICCI-kaasked ki ek taaja report mein nakali saamaanon ki samasya ka yeh roop darshaane ke saath yeh bhi kaha gaya hai ki isse in udyogon mein laakhon logon ki naukri ka bhi khatra paida ho gaya hai. Udyog mandal FICCI ki taskari aur nakali saamaanon ke khilaaf kaam karne waali ikaai FICCI-kaasked ke taaja aankade ke anusaar avaidh kaarobaar se sarkaar ke raajasv par bhi asar pad raha hai aur isse sarkaari khajaane ko saalaana 39,239 karod rupaye ka nuksaan ho raha hai. Vibhinn deshon aur kshetron mein avaidh saamaanon ka vyaapaar teji se badh raha hai. Ek anumaan ke anusaar avaidh kaarobaar aur aaparaadhik gatividhiyon se vaishvik GDP (sakal ghareloo utpaad) ka 8 se 15 pratishat prabhaavit hua hai. Report ke mutaabik, 'Nakali saamaan bhaarateeya udyog par pratikool prabhaav daal rahe hain, isse laakhon vaidh rojagaar khatm hone ka khatra hai. ' udyog mandal ne kaha ki udyog ko keval saat kshetron. . . Vaahan kal-purje, alkohal yukt peya padaarth, computer haardaveyar, rojamarra ke upayog ke dibbaaband aur vyaktigat upayog vaale saamaan, cigarette, mobile phone. . . Se jude udyog ko 1,05,381 karod rupaye ka nuksaan anumaanit hai. Report ke mutaabik uchch shulk darein, brand ke prati jaagrukta ka abhaav, sasta vikalp aur maang-aapoorti mein antar Bhaarat mein taskari ke pramukh kaaran hain.

Nakali Saamaan Se Bhaarateeya Udyog Pareshaan, Laakhon Naukariyon Ke Liye Khatra Report http://www.angrejinews.com/pic/233453