Naach-gaana Naheen Kar Sakta, Mujhe Kahaani Chaahiye Rajiv Khandelwal

Breaking »

Naach-gaana Naheen Kar Sakta, Mujhe Kahaani Chaahiye  Rajiv Khandelwal

Kolkata: television par shaanadaar lamhe bita chuke Rajiv Khandelwal ka kehna hai ki unhonne cinema ke kshetr mein isliye kadam rakha, taaki vah abhineta ke taur par nikhr sakein. 'Kaheen to hoga' aur 'Sach ka saamana' jaise charchit TV kaaryakramon mein kaam kar chuke 38 varsheeya Khandelwal ne kaha, main kai varshon se TV mein fansa hua tha. Main khud ko nikhaarana chaahata tha. Haalaanki Rajiv maanate hain ki TV ki pahunch jyaada vyaapak hai aur unka kehna hai ki vah donon maadhyamon se jude rahana chaaheinge. unhonne kaha ki doosare deshon mein abhineta dhaaraavaahikon aur filmon donon mein kaam karte hain, lekin yahaan soch kuchh alag hai. Aur main is tarah ki soch ki vajah se khud ko majaboor naheen karna chaahata. Rajiv ki agali badi Bollywood film ka naam 'Feevar' hai. Unka kehna hai, main naach-gaana naheen kar sakta. Unhonne kaha, mujhe kahaani chaahiye. Masaala filmein bhi industry ka hissa hain aur aapke liye sabse achhi baat yeh hoti hai ki aap ek cinema hall mein jaate hain aur khushi-khushi baahar aate hain. abhineta ne kaha ki vah Bengal ki durga pooja par aadhaarit ek film karna chaahate hain. Yeh mere liye ek naya kshetr hai. Kaushik (ghatak) se kaushik (Ganguly) tak, main sabhi rachanaatmak logon ke saath kaam karna pasand karoonga.

Naach-gaana Naheen Kar Sakta, Mujhe Kahaani Chaahiye Rajiv Khandelwal http://www.angrejinews.com/pic/49601