Naabaalig Ko Agava Kar Kiya Dushkarm, Aspataal Mein Chal Raha Hai Ilaaj

Breaking »

Naabaalig Ko Agava Kar Kiya Dushkarm, Aspataal Mein Chal Raha Hai Ilaaj

Nai Delhi: Dushkarm ki ek aur jaghanya vaaradaat mein Gurgaon ki chhah saal ki ek bachchi ka apaharan kar uske saath balaatkaar kiya gaya aur use dakshin Delhi ke ek ilaake mein sadak kinaare chhod diya gaya. Ladki ka Delhi ke ek aspataal mein ilaaj chal raha hai. Budhvaar ki raat ko raahageeron ne ladki ko khoon se lathapath sadak par pada dekha aur police ko soochit kiya. Police ne ladki ko paas ke aspataal pahunchaaya jahaan se ladki ko Safdarjung aspataal bhej diya gaya. Police ke mutaabik naabaalig ladki kaapasaheda ilaake mein mili. Use ravivaar ko agava kiya gaya tha. Police ke anusaar ladki ke shareer par chot ke nishaan hain. Safdarjung aspataal ke doctoron ne kaha ki unhonne ladki ka operation kiya hai aur ab usaki haalat sthir hai.

Naabaalig Ko Agava Kar Kiya Dushkarm, Aspataal Mein Chal Raha Hai Ilaaj http://www.angrejinews.com/pic/1981