Naabaalig Beti Se Dushkarm, Mili Umrakaid Ki Saja

Breaking »

Naabaalig Beti Se Dushkarm, Mili Umrakaid Ki Saja

Paalaghar Adaalat ne Maharashtra ke 38 varsheeya ek vyakti ko apni naabaalig beti se dushkarm karne ke jurm mein umrakaid ki saja sunaai hai. Dushkarm ki vajah se peedita do baar garbhavati ho gayi thi. Atirikt jila nyaayaadheesh N aar pradhaan ne apne aadesh mein vyakti ko IPC ki dhaara 376 (dushkarm) aur paukso aikt, 2012 ke tahat doshi thaharaaya. Lok abhiyojak kaadanbini khaannadaagle ne adaalat ko bataaya ki kareeb teen saal pehle usaki beti ki umr 12 se 16 varsh ke beech thi, jab vah Kolkata mein rah rahi thi. Adaalat ko bataaya gaya ki baad mein aaropi use Mumbai le aaya aur usase dushkarm kiya. Usane apni patni aur do anya bachchon ko Kolkata mein chhod diya. Peedita ne do bachchon ko janm diya, jinmein se ek bachcha jeevit hai jabki doosare ki maut janm ke 15 din ke andar hi ho gayi thi. Adaalat ko bataaya gaya ki shikaayat ke baad aaropi ko giraftaar kiya gaya aur donon bachchon ke DNA ka Milan usase ho gaya.

Naabaalig Beti Se Dushkarm, Mili Umrakaid Ki Saja http://www.angrejinews.com/pic/194097