Naabaalig Aiktres Se Chhedachhaad Maamale Par Boleen Bollywood Ki Haseenaaen

Movies »

Naabaalig Aiktres Se Chhedachhaad Maamale Par Boleen Bollywood Ki Haseenaaen

Naabaalig aiktres se Vimaan mein kathit roop se chhedchhaad karne vaale vyakti ko giraftaar kar liya gaya hai. Isse pehle kathit ghatna ko lekar kaafi hangaama hua aur Maharashtra raajya mahila aayog ne is sharmanaak ghatna ki jaanch ki maang ki. Aiktres ka aarop hai ki Delhi se Mumbai ja rahe ek vimaan mein unke sah-yaatri ne unke saath chhedchhaad ki. Is maamale par bollywood abhinetri shreedevi, Kareena Kapoor Khan, bhoomi pedanekar, aaliya bhatt, mauni Roy, maadhuri Dixit, taapasi pannoo aur yaami Gautam sahit abhineta jaiki shrauf, sushaant Singh rajput ne apni kadi pratikriya di. Kareena Kapoor ne kaha, 'Bina aurat ke ek naya jeevan sambhav naheen hai fir bhi is tarah ke shoshan hote hain. Mahilaaen purushon ki apeksha adhik shreshth aur faaitar hain. Kuchh bhi ho jaae mahilaaen purushon se jyaada shreshth hain. Ham mahilaaen faaitar hain. Ham mahilaaen jis bhi dasha mein hon, fir chaahe vah niji jindagi ka sangharsh ho ya fir prafeshanal sangharsh ham sabhi jagah faait karte hain. . . Isliye faaitar hain. Jab ham Bhagwan ki baat karte hain to maan lakshmi bhi to aurat hi hain, dharati ko dharati maata kah kar sambodhit karte hain. Ham jo bhi baat karein sabhi jagah auraton ka jikr to hona hi hai, iseeliye aurat bahut shreshth hai. . . Vah har dasha se faait karke baahar niklana jaanti hai. ' Is maamale mein aaliya bhatt kehti hain, 'Is baare mein baat karna aur sochana hi bahut takaleefadeh lagta hai. Isse jyaada mere paas kehne ke liye kuchh bhi naheen hai. ' mahilaaon ke saath durvyavahaar ke badate maamalon par maadhuri Dixit ne kaha, 'Mahilaaon ke saath kisi bhi tarah ki badasalooki kaheen bhi, kabhi bhi naheen honi chaahiye, fir chaahe vah Bhaarat ho ya videsh. . . Mahilaaon ke saath shoshan hona hi naheen chaahiye. ' Shreedevi kehti hain, 'Yeh bahut hi buri baat hai. Is tarah ki baatein bahut apaset karti hain. Ladkiyon ke saath is tarah ke shoshan ko sunati hoon to main bahut jyaada dar jaati hoon. Main sadamein mein hoon. ' taapasi pannoo ne kaha, 'Main kahoongi ki is maamale mein naabaalig aiktres ko insaaf milna chaahiye. Yeh bahut achhi baat hai ki usane apni aavaaj uthaai, chup rahane se bahut achha hai aavaaj uthaana. ' Bhoomi pedanekar kehti hain, 'Hamaare kalchar mein ek baat yeh hai ki kuchh log mahilaaon ko apni jaageer samajh lete hain aur agar aap ek abhinetri hain tab to aur bhi jyaada hota hai. Yeh hamaare kalchar ki bahut badi samasya hai. Is maamale mein, main naabaalig aiktres ke aikshan lene par bahut khush hoon kyonki aise maamalon mein bolne aur bataane ke liye bahut bade saahas ki jaroorat hoti hai. ' yaami Gautam ne kaha, 'Yeh ghatna behad buri aur shaukd dene waali hai. Doshi ko saja mile, iska intajaar kar rahi hoon. ' Chhote parade ki abhinetri mauni Roy ne kaha, 'Ab kya kahoon is desh ke baare mein, ek or ham mahila shakti aur adhikaar ki baat karte hain aur doosari or is tarah mahilaaon ke saath lagaataar ho rahe shoshan ki baat bhi sun rahe hain. Mujhe lagta hai is tarah ki ghatna hone ke baad. . . Baat karna aur usapar stand lene se jyaada mahatvapoorn hai is baare mein achhi tarah logon aur samaaj ko shiksha dena. Aaj jis tarah ki shiksha hamein mil rahi hai, jo maahaul hai aise mein is tarah ki ghatna mujhe andar se du: Khi karti hai. Is tarah ki ghatna samaaj ki ek chhoti maanasikta ko darshaati. ' Jaiki shrauf ne kehte hain, 'Yeh bahut sharmanaak hai. Is tarah ki sharmanaak ghatna mein mera vahi riaikshan hai to ek aam insaan ka ho sakta hai. Apni maan-bahan ke saath koi aise karega to kaisa lagega. Aise riaikshan mat poochho mujhse jiska uttar pata hai aapko. ' Sushaant Singh rajput ne kaha, 'Mahilaaon ke saath ho rahe shoshan par ham log baatein bahut karte hain. Mujhe lagta hai ham is baat ke liye kaafi samajhdaar aur jimmedaar hai ki sahi samay par aikshan lein. ' Is maamale mein aaropi ki pehchaan vikaas sachadev ke roop mein ki gayi aur giraftaar kiya gaya. Vimaan company vistaara ne bhi is sambandh mein naabaalig aiktres se maafi maangi hai. Company ne kaha ki is tarah ki ghatnaaon ko vah katai bardaasht naheen karti aur is sambandh mein vah bhi jaanch kar rahi hai. Company ne saath hi kaha ki yeh ek durbhaagyapoorn ghatna hai. Bata dein, naabaalig aiktres ne vidiyo mein kaha tha, 'Main aaj Delhi se Mumbai ja rahe vimaan mein yaatra kar rahi thi aur mere peechhe adhed umr ka ek vyakti baitha tha jisne do ghante ki meri yaatra ko takaleefadeh bana diya. Mainne ise behtar tareeke se samajhaane ke liye apne phone mein record karne ki bhi koshish ki lekin vimaan ke bheetar kebin ki roshani mand thi isliye main ise record naheen kar saki. Roshani maddhim thi to yeh aur jyaada bura ehsaas tha. Yeh paanch se das minute tak chalta raha aur fir mujhe iske baare mein poora yakeen ho gaya. '

Naabaalig Aiktres Se Chhedachhaad Maamale Par Boleen Bollywood Ki Haseenaaen http://www.angrejinews.com/pic/183543