NTPC Sheyaron Ke Liye Lagi Seema Se Adhik Boli, Sarkaar Ko Mile 11,400 Karod

Business »

NTPC Sheyaron Ke Liye Lagi Seema Se Adhik Boli, Sarkaar Ko Mile 11,400 Karod

Nai Delhi: Saarvajanik kshetr ki bijli utpaadak company NTPC ki share bikri ko guruvaar ko baajaar band hone se pehle hi seema se adhik abhidaan mil chuka tha aur iske saath hi is bikri se sarkaar ko 11,400 karod rupaye ki raashi milna pakka ho gaya hai. Chaaloo vitt varsh mein yah saarvajanik upakramon mein sarkaar ka sabse bada vinivesh hai. Share baajaaron ke paas upalabdh aankadon ke anusaar, subah shuroo hui sheyaron ki neelaami ke tahat teen bajkar 5 minute tak 84.06 karod sheyaron ke liye boliyaan mili theen, jabki bikri ke liye kul 78.32 karod sheyaron ki peshakash ki gayi thi. Sabhi vaidh boliyaan mein ausatan 145.46 rupaye prati share ka daam lagaaya gaya hai. Is moolya par sarkaar ko kul 11,392 karod rupaye praapt honge. Sarkaar ne NTPC ke 9.5 pratishat sheyaron ki share baajaar ke jariye neelaami ke liye nyoonatam moolya keemat 145 rupaye prati share tay ki thi. Mumbai share baajaar mein NTPC ka share pichhle star se dhaai pratishat girkar 148.50 rupaye mein bik raaha tha. Kareeb 43.49 karod sheyaron ke liye boliyaan 100 pratishat margin ke saath mili hain. Aise maamalon mein boli lagaane vaala vyakti baad mein chaahe to boli vaapas bhi le sakta hai. National stock exchange ke aankadon ke anusaar shoonya pratishat margin ke saath kareeb 40.56 karod sheyaron ke liye boliyaan praapt hui.

NTPC Sheyaron Ke Liye Lagi Seema Se Adhik Boli, Sarkaar Ko Mile 11,400 Karod http://www.angrejinews.com/pic/1330