Myanmar Ki Sansad Ke Oopar Drone Udaane Wala Fraanseesi Naagrik Giraftaar

World »

Myanmar Ki Sansad Ke Oopar Drone Udaane Wala Fraanseesi Naagrik Giraftaar

Yangoon Myanmar ki rajdhani nepeeto mein sansad ke nikat drone udaane vaale fraanseesi paryatak ko giraftaar kar liya gaya hai. Fraanseesi dootaavaas aur sthaaneeya police ne somvaar ko iski pushti ki hai. Kaanoon ke tahat aaropi ko teen saal ke kaaraavaas ki saja ho sakti hai. Police ne bataaya ki pakade gaye aaropi ki pehchaan 27 saal ke aarthar disklauks ke roop mein ki gayi hai. Unhonne bataaya ki fraanseesi paryatak ne sarkaari imaarat ke paas drone udaane ka prayaas kiya jo Myanmar mein avaidh hai. Sthaaneeya media ne pakade gaye fraanseesi paryatak, uske passport aur drone ki tasveer jaari ki hai. Ullekhaneeya hai ki teen patrakaaron evam unke chaalak ko 2017 mein aise hi ek maamale mein jail bheja ja chuka hai. Dootaavaas ne bataaya, 'Aarthar ko sansad ke oopar drone udaane ke aarop mein saat February ko dopahar der baad giraftaar kiya. Vah ab bhi nepeeto mein hiraasat mein hai. ' Dootaavaas ke anusaar aaropi ke parijanon ko usaki giraftaari ke baare mein soochit kar diya gaya hai aur dootaavaas ke karmachaari usaki surakshit rihaai ka prayaas kar rahe hain. Police adhikaari min tin ne bataaya ki aarthar ke khilaaf aayaat niryaat adhiniyam ki dhaara aath ke tahat maamala darj kiya gaya hai.

Myanmar Ki Sansad Ke Oopar Drone Udaane Wala Fraanseesi Naagrik Giraftaar http://www.angrejinews.com/pic/254075