Musharraf Ne Kaha, Raksha Mantraalaya De Suraksha To Adaalat Mein Pesh Ho Jaaoonga

World »

Musharraf Ne Kaha, Raksha Mantraalaya De Suraksha To Adaalat Mein Pesh Ho Jaaoonga

Islamabad Deshdroh ke maamale mein fanse Pakistan ke poorv sainya taanaashaah general Parvez musharraf ne vishesh adaalat se kaha hai ki yadi unhein raksha mantraalaya ki or se suraksha di jaati hai to vah court mein pesh honge. Media reports ke havaale se yeh baat kahi gayi hai. Navaaj shareef ke netrutv waali sarkaar ne poorv army cheef musharraf par deshdroh ka case darj karaaya tha. November, 2007 mein samvaidhaanik adhikaaron ka galat istemaal kar imarajeinsi lagaae jaane ke aarop mein un par yeh case gard kiya gaya tha. Express tribyoon ki report ke mutaabik Lahore haai court ke cheef Justice muhammad yaavar ki adhyakshata waali bench ne aantarik maamalon ke mantraalaya se is sambandh mein saman jaari kar 27 August tak javaab maanga hai. Bench is baat par bhi vichaar karegi ki musharraf ka bayaan darj kiye bana unke khilaaf maamala jaari rakhana chaahiye ya naheen. Bata dein ki in dinon dubai mein rah rahe 74 varsheeya musharraf ne suraksha kaaranon ka havaala dete hue Pakistan lautane se inkaar kar diya hai. Adaalat mein poorv raashtrapati ka paksh rakhane vaale edavoket Akhtar shaah ne kaha ki unke muvakkil adaalat mein pesh ho jaaenge, yadi defence ministri ki or se suraksha muhaiya karaai jaati hai. Report ke mutaabik adaalat ne kaha ki yeh sangheeya sarkaar ki duty hai ki vah aaropi ko poori suraksha muhaiya karaae aur sunavaai ko 27 tak ke liye sthagit kar diya gaya hai.

Musharraf Ne Kaha, Raksha Mantraalaya De Suraksha To Adaalat Mein Pesh Ho Jaaoonga http://www.angrejinews.com/pic/219243