Musaafir Intajaar Karte The 'Bas Conductor Rajnikant Ka

Movies »

Musaafir Intajaar Karte The 'Bas Conductor Rajnikant Ka

Nai Delhi: Aap shaayad jaante naheen honge ki superstar Rajnikant ek vakt bas conductor ka bhi kaam karte the aur yaatri sadak par unki bas ka intajaar karte the. Log unke ticket dene tatha khule paise lautaane ke andaaj se prabhaavit rahate the. Film sameekshak naman Ramchandran ne Rajnikant ki jeevani ko kitaab ki shakl di hai jismein 1975 mein unki pehli film 'Apoorv ragangal' se lekar hindi filmon 'Andha kaanoon' aur 'Ham' tak ke unke safar aur 'Billa', 'Thalapati' aur 'Annaamalaai' jaisi unke andaaj waali filmon se 'Baasha', 'Muthoo', 'Shivaaji' aur 'Enthirn' tak ki yaatra ka vrutaant likha hai. 'Rajnikant : The definitive baayograafi' mein Rajni ke bachapan ke dinon se lekar unke jeevan ke sangharsh ke dinon ko bhi bayaan kiya gaya hai jab shivaaji Rao Gaikwad naam ka yeh shakhs bas conductor ke career ke baad filmon ka superstar bana aur logon ke beech Rajnikant naam se mashahoor ho gaya. Sangharsh ke dinon mein Rajnikant ne Bengaluru mein Mysore machinery mein bhi kuchh din kaam kiya aur chaaval ke bore truckon mein laadne ka bhi kaam kiya jiske liye unhein 10 paise prati bora milta tha. Uske baad unhonne ek pareeksha di aur Bengaluru parivhan seva se bas conductor ka license haasil kiya. Rajnikant 19 March, 1970 ko bas chaalak raaja bahaadur ke saath naukri par lag gaye. Penguin dvaara prakaashit is kitaab ke anusaar bas yaatriyon ko ticket dene mein Rajnikant se tej koi naheen tha. Vah apne andaaj mein musaafiron ko ticket dete the aur khule paise dete the. Unke mashahoor andaaj ke chalte hi log unki bas ka intajaar karte the aur saamane se anek basein khaali jaane dete the. Rajni ka yahi andaaj baad mein filmon mein bhi unki lokapriyta ka kaarak bana jahaan unke samvaad bhi mashahoor hue. Rajni ne apne bas conductor ke dinon ko yaad karte hue bayaan kiya hai, 'Main saadhaaran insaan hoon. Bas conductor se pehle main daftar mein kaam karta tha, kuli tha aur badhi ka kaam kar chuka tha. ' BTS par Rajnikant ki mulaakaat raaja bahaadur se hui jise vah aaj apna sabse achha dost bataate hain. Kitaab ke panne palatate hue pata chalega ki bas seva samaapt hone ke baad Rajni aur raaja apne apne ghar jaakar thodi der aaraam karte the. Iske baad Rajnikant har shaam hanumant nagar mein raaja ke ghar pahunchate aur donon naatakon ke abhyaas ke liye nikal jaate jinka aayojan ve samay-samay par BTS sangh ke banner tale karte the. Divangat rangakarmi aur abhineta shivaaji Ganeshan ko yaad karte hue Rajnikant kehte hain, 'Mainne unhein dekha, unki nakal utaari. Unki vajah se main cinema jagat mein aaya. ' Rajnikant ke jeevan ki aisi anek rochak kahaaniyaan is kitaab mein padhne ko mil jaaengi.

Musaafir Intajaar Karte The 'Bas Conductor Rajnikant Ka http://www.angrejinews.com/pic/365