Mumbai Ticket Collector Ne Betikt Yaatriyon Se Vasoola Ek Lakh 90 Hajaar Jurmaana

India »

Mumbai Ticket Collector Ne Betikt Yaatriyon Se Vasoola Ek Lakh 90 Hajaar Jurmaana

Mumbai Railway dvaara bina ticket yaatra na karne ki hajaar hidaayaton ke baavajood betikt yaatriyon ki sankhya kam naheen ho rahi hain. Tyohaar ke season mein ticket na milne se betikt yaatriyon ki sankhya aur badh jaati hai. Betikt yaatriyon ki bheed kisi railway karmachaari ke liye record bhi ban sakti hai. Aisa hi ek udaaharan pesh kiya hai, Mumbai divijn ki mahila ticket nireekshan jaagruti chanpaaneri ne jinhonne ek 8 ghante mein, chaar alag-alag trainon mein 184 case banaakar 1 lakh 90 hajaar 70 rupaye jurmaane ki rakam jutaai. Divaali par banta hai record Jaagruti ne bataaya ki 9 November ko dahaanoo road mein trainon ki pareshaani ke kaaran soorat sekshan ki trainon mein kaafi bheed thi. Unhonne subah 8 baje avadh express train se apni duty shuroo ki. Is train mein 30 hajaar rupaye ki penalty kaati. Itna kaam niptaane ke baad agale station par taapti ganga train pakadi. Is train mein record 50 hajaar ki penalty banaai. Jaagruti ne bataaya ki is dauraan uske paas padi raseed ki book khatm ho gayi. Agale station par do aur book lekar penalty ka kaam chalta raha. Shaam 4 baje duty khatm hone ke baad jama karaane ke liye paise gine to pata chala 'Aaj to record ban gaya. ' Railway ne bhi ki record kamaai Mumbai divijn ki varishth mandal vaanijya prabandhak aarti Singh parihaar ne bataaya, 'Mumbai divijn mein kul 84 mahila ticket nireekshak hain. Jaagruti ne jo kaam kiya vah sabhi ko prerit karne wala hai. Aksar divaali ke ek din pehle betikt yaatriyon ki bheed badh jaati hai. Is baar 6 November ko Mumbai divijn mein kareeb 27 lakh rupaye ki penalty vasooli gayi hai, jo pichhli baad divaali ke ek din pehle ki kamaai se 3 lakh rupaye jyaada hai. 9 November ko kul 16 lakh ki penalty vasooli gayi thi, jismein jaagruti dvaara arjit ki gayi ek lakh ki penalty shaamil hai. '

Mumbai Ticket Collector Ne Betikt Yaatriyon Se Vasoola Ek Lakh 90 Hajaar Jurmaana http://www.angrejinews.com/pic/234279