Mumbai Ne Ek Baar Fir Dikhaaya Ki Vah Champion Team Hai Sachin Tendulkar

Cricket »

Mumbai Ne Ek Baar Fir Dikhaaya Ki Vah Champion Team Hai  Sachin Tendulkar

Mumbai: Mumbai ko 'Champion' team karaar dete hue sachin Tendulkar ne team ke 40vein Ranji trophy cricket khitaab ka shreya 'Team vark' ko diya aur kaptaan ajit Agarkar ki taareefon ke pul baandhe. Tendulkar ne Ranji final mein Saurashtra par paari aur 125 run ki jeet darj karne ke baad kaha, ham 40veen baar jeete. Mumbai ne ek baar fir dikhaaya ki vah champion team hai. Hamaari team achhi hai, jismein yuvaaon aur senior khilaadiyon ka achha mishran hai. Unhonne kaha, yah Mumbai cricket ke liye shaanadaar lamha hai, khilaadiyon ke liye hi naheen, balki prashaasakon ke liye bhi. Yah saamoohik prayaas hai aur main is mauke par sabhi ko badhaai deta hoon aur ummeed karta hoon ki yah jaari rahega. Haal mein ekadivseeya cricket se sannyaas lene vaale 39 varsheeya Tendulkar ne mushkil samay mein bhi ekajut rahane ke liye team ke apne saathiyon ki taareef ki. Unhonne kaha, aisa samay aaya jab sthiti mushkil thi, lekin tab team ekajut rahi aur shaanadaar pradarshan kiya. Mujhe behad khushi hai visheshakar ajit Agarkar ke liye jinka pichhla satr achha naheen raha tha. Uske liye kaafi mushkil samay tha. Tendulkar ne kaha, lekin is satr mein unhonne aage badhkar aguaai ki aur team ki kamaan shaanadaar tareeke se sambhaali. Usane tab pradarshan kiya jab jaroorat thi. Tendulkar ki maujoodagi mein Mumbai ne chhah mein se paanch baar Ranji final jeeta hai. Unki maujoodagi mein ekamaatr baar Mumbai ko 1990. . 91 mein Haryana ke haathon do run se shikast jhelni padi thi.

Mumbai Ne Ek Baar Fir Dikhaaya Ki Vah Champion Team Hai Sachin Tendulkar http://www.angrejinews.com/pic/373