Mumbai Mareej Se Balaatkaar Karne Vaale Doctor Ko 10 Saal Ka Kaaraavaas

Movies »

Mumbai  Mareej Se Balaatkaar Karne Vaale Doctor Ko 10 Saal Ka Kaaraavaas

Mumbai: Navi Mumbai sthit aspataal mein ICU mein bharti 30 varsheeya ek mahila se balaatkaar ke doshi yuva chikitsak ko yahaan ki ek adaalat ne 10 saal ke kaaraavaas ki saja sunaai. Thaane ke atirikt satr nyaayaadheesh RD saavant ne Dr. Vishaal vanne (26) ko yeh saja sunaai. Unhonne us par ek hajaar rupaye ka jurmaana bhi lagaaya aur saal 2010 ke maamale mein teen maheene ke ek anya kaaraavaas ki saja bhi sunaai. Atirikt lok abhiyojak sandhya bachchav ne adaalat se kaha ki 16 October 2010 ko peedita aur uske parivaar ke sadasya durga pooja ke liye modern college ground aae the. Tabhi use bechaini hui aur use vaasi sthit najadeeki lotus aspataal le jaaya gaya. Us raat use ICU mein bharti karaaya gaya tha, kyonki usaki haalat bigad gayi thi. Shikaayat ke anusaar, aaropi chikitsak ward mein raatri duty par tha jahaan mahila ko chikitseeya jaanch ke baad ek staaf nurse ke saath akela chhod diya gaya tha. Choonki nurse asthama se peedit thi to aaropi ne usase ICU chhodkar aaraam karne ko kaha. Uske baad chikitsak ne kathit taur par mareej ko ek sooi di, jisse use neend aane lagi. Abhiyojan paksh ne adaalat ko bataaya ki tadke do baje aaropi ne bheetar se ICU ka darvaaja band kar diya aur peedita ke saath chhedkhaani ki aur usase baar-baar balaatkaar kiya. Peedita ne adaalat ke samaksh diye gaye apne bayaan mein kaha ki choonki vah us raat svasth naheen thi isliye vah shor ya madad ke liye cheekh-pukaar naheen macha saki. Agali subah jab usane apne pati ko is ghatna ke baare mein bataaya to vanne ko police ko saunp diya gaya.

Mumbai Mareej Se Balaatkaar Karne Vaale Doctor Ko 10 Saal Ka Kaaraavaas http://www.angrejinews.com/pic/525