Mujhse Aur Kris Gale Se Bhi Kaheen Zyaada Visfotak Hai Glen Maxwell Virendra Sehwag

Breaking »

Mujhse Aur Kris Gale Se Bhi Kaheen Zyaada Visfotak Hai Glen Maxwell  Virendra Sehwag

Cuttack: Bhaarat ke liye khelne vaale sabse khatarnaak salaami ballebaaj Virendra Sehwag ko yeh baat kehne mein koi gurej naheen hai ki kings eleven Punjab ke unke saathi glen Maxwell unase aur royal Challengers bangalaur ke salaami ballebaaj kris Gale se kaheen jyaada visfotak ballebaaj hain. ullekhaneeya hai ki glen Maxwell IPL-7 mein lagaataar geindabaajon ki bakhiya udhed rahe hain, aur ab tak is satr ke sabse khatarnaak ballebaaj saabit hue hain. Tournament mein teen baar 90 se jyaada ka score banaane ke saath-saath glen Maxwell ne ab tak kul saat paariyon mein 203.27 ke toofaani strike rate se 435 run banaae hain. yeh poochhe jaane par ki kya yeh Australiaee ballebaaj unhein apne shuruaati dinon ki yaad dilaata hai, Virendra Sehwag ne inkaar kiya, aur kaha, "Naheen, naheen. . . Main itna aakraamak naheen tha. . . Main thoda tha. . . Lekin itna naheen tha. . . " jab Virendra Sehwag se poochha gaya ki unhein glen Maxwell ki ballebaaji mein kya pasand hai to unhonne kaha, "Mujhe naheen lagta ki vah apne game ke baare mein chintit hota hai. . . Vah golf ke baare mein chintit hota hai aur cricket se kaheen jyaada golf ka abhyaas karta hai. . . " Sehwag ne kaha, "Vah kreej par jaata hai aur apna shat-pratishat deta hai, fir use jo bhi (run) milta hai, use lekar khushi-khushi vaapas aa jaata hai. . . " Delhi ke cricketer Virendra Sehwag ne yeh bhi kaha ki glen Maxwell vest indeej ke visfotak kris Gale se bhi kaheen jyaada khatarnaak hai. Sehwag ne IPL ki aadhikaarik website se kaha, "Mujhe lagta hai ki agar Maxwell aur Miller donon chal jaaen to geindabaaji karne waali team ke liye unhein rokana kaafi mushkil ho jaata hai, kyonki agar inmein se koi bhi ek geind chook jaata hai to doosra chhakka jadkar iski bharpaai kar deta hai. . . "

Mujhse Aur Kris Gale Se Bhi Kaheen Zyaada Visfotak Hai Glen Maxwell Virendra Sehwag http://www.angrejinews.com/pic/50072