Mujhe Asafalata Se Dar Lagta Hai Priyanka Chopra

Breaking »

Mujhe Asafalata Se Dar Lagta Hai  Priyanka Chopra

Florida: raashtreeya puraskaar vijeta Bollywood abhinetri Priyanka Chopra kehti hain ki unamein asafalata ko lekar bahut jyaada dar hai. Priyanka yahaan international Indian film ekedami (aaifa) veekeind end avaardas mein abhinay par charcha karne ke liye Hollywood abhineta-filmkaar kevin spesi ke saath maujood raheen. Priyanka 'Saat khoon maaf', 'Barfi', 'Fashion' sareekhi filmon se apne abhinay ka loha manava chuki hain, lekin unka kehna hai ki unamein hamesha hi asafalata ka dar tha. unhonne kaha, mujhamein asafalata ko lekar bahut bada khauf hai. Film mujhe sakriya rakhati hai. Agar film asafal hoti hai to bura lagta hai. Main do saptaah tak kamre mein rahati hoon. Main jab 'Barfi' kar rahi thi to logon ne mujhse kaha ki yeh naayika ki bhoomika waali film naheen hai, ise mat karo. Lekin mujhe yakeen tha ki main ise karoongi aur main ise mili pratikriya se khush hoon. filmodyog mein bataur abhinetri apne safar ko yaad karte hue unhonne kaha, mere liye abhinay sanyog ki baat hai. Main jab miss world bani to 17 saal ki thi. Main ek agrani film patrika padh rahi thi aur mainne Amitabh Bachchan ka saakshaatkaar padha, jismein unhonne kaha ki yeh mahatvapoorn naheen hai ki ek shakhs ek film mein kitne drushya deta hai. Mahatvapoorn to yeh hai ki log jab film dekhkar cinemaghar se baahar niklein, to aapko yaad rakhein. model-abhinetri Priyanka film nirmaata-nirdeshak madhur bhandaarakar ki film 'Fashion' mein apne damadaar abhinay ki badaulat pratishthit raashtreeya film puraskaar jeet chuki hain. Unka kehna hai ki unhonne kabhi is puraskaar ki ummeed naheen ki. Priyanka ne kaha, mainne kabhi ummeed naheen ki ki mujhe raashtreeya puraskaar mil sakega. Mujhe aparaahn 4 baje phone aaya aur uske baad sone chali gayi. Kuchh der baad, logon ne saakshaatkaar ke liye darvaaje par dastak deni shuroo kar di. . Yeh mere jeevan ka ek khaas anubhav tha.

Mujhe Asafalata Se Dar Lagta Hai Priyanka Chopra http://www.angrejinews.com/pic/48864